اسلام آباد ۔ 28 جنوری (اے پی پی) وفاقی وزیر برائے منصوبہ بندی ترقی و اصلاحات اور شماریات ڈویژن مخدوم خسرو بختیارآکھیے جو ودھدی آبادی پاروں وڈے شہراں کیتے پیونڑ دا صاف پانڑی ڈیونڑ ترقیاتی حکمت عملی دا حصہ بنڑایا ویسی، کراچی ٹرانسپورٹ دے وڈے منصوبیاں تے ودھ توجہ ڈتی ویسی۔ اے گالھ انہاں اسلام آباد اچ غیر ملکی فنڈنگ دے منصوبیاں بارے جائزہ اجلاس دی صدارت کریندے آکھی۔ اجلاس اچ وزیراعظم دے مشیر برائے ادارہ جاتی اصلاحات ڈاکٹر عشرت حسین، سیکرٹری منصوبہ بندی ظفر حسن اتے وزارت دے سینئر حکام شرکت کیتی۔وفاقی وزیر آکھیا جو کراچی ہک وڈا شہر اتے اہم تجارتی مرکز اے، جتھاں بس ریپیڈ ٹرانزٹ منصوبہ، ریڈ ٹرانزٹ منصوبہ، گرین لائن اتے کراچی سرکلر ریلوے جھیں ودے منصوبیاں کوں اہمیت ڈتی ویسی، حکومت دی کوشش اے جو ہر چھوٹے وڈے شہراں اتے قصبیاں اچ لوکاں کوں پیونڑ دا صاف پانڑی ڈتاونجے ۔ اجلاس اچ ماحولیات، مواصلات، پیونڑ دے پانڑی،توانائی دے شعبے اچ ایشیائی ترقیاتی بینک، ورلڈ بینک، اسلامی ترقیاتی بینک، جائیکا اتے ایشیاءانفراسٹرکچر ڈویلپمنٹ بینک دی فنڈنگ اتے ایندے تے پیش رفت دا جائزہ گھدا گیا۔
ودھدی آبادی پاروں وڈے شہراں کیتے پیونڑ دا صاف پانڑی ڈیونڑ ترقیاتی حکمت عملی دا حصہ بنڑایا ویسی،وفاقی وزیر منصوبہ بندی
مضمون کا ماخذ : ٹکی انماد
متعلقہ مضامین
