اسلام آباد ۔ 2 اپریل (اے پی پی) وادی سوات نال تعلق رکھنڑ آلی نوبل انعام یافتہ طالبہ ملالہ یوسف زئی پاکستان دے چار ڈینھ دا دورہ پورا کرتے برطانیہ واپس روانہ تھی گن ۔ملالہ یوسف زئی ایں وقت برطانیہ دی عالمی شہریت یافتہ آکسفورڈیونیورسٹی اچ تعلیم حاصل کریندی پئی اے ۔اپنڑے دورہ پاکستان دے دوران انہاں وزیراعظم ہاﺅس اتے سوات اچ اپنڑے آبائی گھر دا دورہ کیتا تے رشتے داراں نال ملاقاتاں کیتیاں ۔ملالہ یوسف زئی پاکستان اچ چار ڈینھ رہی ،او براستہ دوحہ برطانیہ ویسن ۔ملالہ ساڈھے پنج سال بعد 29اپریل کوں اپنڑے والد ضیاءالدین یوسف زئی، بئے ٹبر تے سی ای او ملالہ فنڈ فرح محمد دے نال وطن واپس آئے ہن۔ انہاں اپنڑے پاکستان دے دورے دے دوران وزیراعظم شاہد خاقان عباسی سمیت اہم شخصیات نال ملاقات کیتی جڈاں جو اپنڑے آبائی علاقے سوات دا دورہ وی کیتا ۔ 12 جولائی 1997ءکو ںسوات دے علاقے منگورہ اچ جمنڑ آلی ملالہ یوسف زئی تے 9 اکتوبر 2012 ءکوںسکول توں واپسی دے دوران دہشت گرداں حملہ کیتا ہئی ،جیں پاروں او ودھ ساری زخمی تھی گی ہئی ،انہاں کوں علاج سانگے پشاور بعد اچ برطانیہ منتقل کر ڈتا گیا ہئی ۔12 جولائی 2013کوں اپنڑی سالگرہ دے ڈینھ ملالہ یوسف زئی اقوام متحدہ دے اجلاس نال خطاب وی کیتا، انہا ں کوں 2014ء اچ صرف 17 سال دی عمر اچ امن دا نوبل انعام ملیا۔ ملالہ یوسف زئی مسلسل 3 سال دنیا دی بااثر ترین شخصیات دی فہرست اچ شامل رہی ۔ جڈاں جو انہاں کوں کینیڈا دی اعزازی شہریت وی ڈتی گی اے ،انہاں کوں عالمی سطح تے 40توں ودھ ایوارڈ تے اعزازات نال نوازیا گے ۔
ملالہ یوسف زئی چارڈینھ دا دورہ پورا کرتے برطانیہ واپس روانہ
مضمون کا ماخذ : نتیجہ میگا سینا
متعلقہ مضامین
