اسلام آباد ۔ 14 مارچ (اے پی پی) مشیر خارجہ سرتاج عزیز آکھیا جو امن،مستحکم اتے خوشحال افغانستان پاکستان دے مفاد اچ ہے،ڈوہائیں ملکاں وچال اعتماد مستحکم کرنڑ اتے آپسی تعاون ودھاونڑ کیتے جامع ڈو طرفہ رابطیاں دی لوڑ ہے ۔ انہاں اتے گالھ منگل کوں اتھاں معروف پرنٹ تے الیکٹرانک میڈیا دے نمائندیاں تے مشتمل افغان وفد نال ملاقات اچ آکھی ۔ دفتر خارجہ دے ترجمان دے مطابق مشیر خارجہ وفد کوں افغانستان اچ امن و استحکام کیتے پاکستان دیاں کوششاں بارے ڈسایا اتے آکھیا جو پر امن،مستحکم اتے خوشحال افغانستان پاکستان دے مفاد اچ ہے۔انہاں آکھیا جو سیکورٹی،انسداد دہشت گردی،سرحدی انتظام ، تجارت ، ٹرانزٹ اتے افغان مہاجراں دی رضاکارانہ واپسی سانگے ڈوہائیں ملکاں وچال اعتماد مستحکم کرنڑ اتے آپسی تعاون ودھاونڑ کیتے جامع ڈو طرفہ رابطیاں دی لوڑ ہے ۔ مشیر خارجہ مثبت تاثر سازی اچ میڈیا دے کردار کوں اجاگر کیتا جو ڈو طرفہ تعلقات مستحکم ،اعتماد بحال کرنڑ اتے سانجھے خطریاں نال چنگے طریقے نبڑیا ونجنڑ بہوں لازمی ہے ۔
، مشیر خارجہ سرتاج عزیز دی افغان میڈیا دے وفد نال ملاقات اچ گالھ
مضمون کا ماخذ : اضافی مرچ
متعلقہ مضامین
