اسلام آباد ۔ 10 اپریل (اے پی پی) صدر مملکت ڈاکٹر عارف علوی نیشنل ڈیزاسٹر مینجمنٹ اتھارٹی (این ڈی ایم اے) دے چیئرمین لیفٹیننٹ جنرل محمد افضل کوں ہسپتالاں اچ ذاتی حفاظتی سامان اتے بیا ضروری طبی آلات ڈیونڑ دی ہدایت کیتی اے تاں جو کورونا دے متاثرہ مریضاں دا چنگاں اعلاج اتے ڈیکھ بھال کیتی ونج سگے۔اے ہدایت انہاں این ڈی ایم اے ولوں ہک بریفنگ ویلھے آکھی۔ چیئرمین صحت ااتے ایں شعبہ دے لوکاں کوں مدد ڈیونڑ کیتے ذاتی حفاظتی سامان اتے طبی آلات دی فراہمی بارے این ڈی ایم اے دےا قدامات بارے ڈسایا۔انہاں ڈسائے جو این ڈی ایم اے پہلی واری ڈاکٹراں، نرساں اتے طبی آلات دا جامع ڈیٹا بیس قائم کیتے جیھڑا اگو تے ونج تے بہوں فیدہ ڈیسی،فرنٹیئر ورکس آرگنائزیشن (ایف ڈبلیو او) کورونا مریضاں کیتے اسلام آباداچ 282 بستراں داہسپتال بنڑیندی پئی اے۔صدر مملکت این ڈی ایم اے دے اقدامات دی تعریف کیتی اتے چیئرمین این ڈی ایم اے کوں ہسپتالاں اچ ذاتی حفاظتی سامان اتے بیا ضروری طبی آلات ڈیونڑ دی ہدایت کیتی۔
صدر مملکت ڈاکٹر عارف علوی دی چیئرمین این ڈی ایم اے کوں ہسپتالاں اچ ذاتی حفاظتی سامان اتے بیا ضروری طبی آلات ڈیونڑ دی ہدایت
مضمون کا ماخذ : اضافی مرچ
متعلقہ مضامین
