اسلام آباد ۔ 18 نومبر (اے پی پی) پاکستان ٹائیفائیڈ توں بچاونڑ دی نویں ویکسین متعارف کرا ڈتی اے جیں نال پاکستان دنیا اچ چوتھا ایجھا ملک بنڑ گے جیں اچ ٹائیفائیڈ دی ویکسین ڈتی ویندی پئی اے ایں ویکسین اچ لمبے عرصے تئیں ٹائیفائیڈ دے خلاف مزاحمت دی صلاحیت موجود اے ۔اے گال وزیراعظم دے معاون خصوصی برائے صحت ڈاکٹر ظفر مرزا اپنڑے ہک انٹر ویو اچ آکھی اے ۔انہاں آکھیے جو ٹائیفائیڈ توں بچاونڑ دی ویکسین 6مہینے دے بالاں کوں ڈتی ونج سگسی ۔پہلے مرحلے اچ ویکسین جنوبی سندھ اچ استعمال کیتی ویسی جتھاں ایں مرض دے 63فیصد کیس رپورٹ تھن ۔ٹائیفائیڈ توں بچاونڑ دی ویکسین ٹیکے دے ذریعے بالاں کوں ڈتی ویسی تے ایندی مہم شروع تھی گئی اے جیں دے ذریعے اے ویکسین ہک کروڑ بالاں کوں ڈٹی ویسی ۔ انہاں آکھیے جو حالی تئیں اے ویکسین حفاظتی ٹیکہ جات اچ شامل کائنی ۔انہاں آکھیے جو 2018ءاچ سندھ توں ٹائیفائیڈ دے ڈھائی لکھ کیس رپورٹ تھن ۔ٹائیفائیڈ ودھنڑ پاروں ویکسین دے استعمال دا فیصلہ کیتا گیا ۔اے مہم سندھ توں شروع کیتی اے بعد اچ پورے ملک اچ شروع کیتی ویسی ۔انہاں آکھیے جو اے ویکسین عام طور تے پنج سال دے بالاں کوں ٹائیفائیڈ توں بچیندی اے ،عالمی اداریں دے مشورے نال 5سال دے بعد دی حکمت عملی طے کیتی ویسی ۔
پاکستان وچ ٹائیفائیڈ توں بچاونڑ دی نویں ویکسین متعارف کراڈتی اے ،ڈاکٹر ظفر مرزا دا انٹرویو
مضمون کا ماخذ : números quina hoje
متعلقہ مضامین
