راولپنڈی ۔ 14 جنوری (اے پی پی) صدر مملکت ڈاکٹر عارف علوی آکھیے جو صحت تے تعلیم دیاں سہولتاں دی فراہمی لوکاں کوں غربت توں کڈہنڑ دا بہترین طریقہ اے ،صحت دے میدان اچ نجی شعبے کوں وی اپنڑاں فعال کردار ادا کرنڑاں ہوسی ۔انہاں اے گال سنوار کوں پنجاب ہیلتھ فاﺅنڈیشن دے ڈوجھے روڈ شو دی تقریب نال خطاب کریندے ہوئیں آکھی ۔صدر مملکت آکھیا جو صحت دے شعبے اچ ہیلتھ کارڈ دا اجرا وڈی پیش رفت اے ۔انہاں آکھیا دنیا اچ صحت دے میدان اچ نجی شعبہ اہم کردار ادا کریندا پئے ۔انہاں آکھیا معاشرے اچ بیماریاں کوں روکنڑ سانگے احتیاط ضروری اے ،انہاں مثال پیش کریندے ہوئیں آکھیا جو احتیاط تے ہک روپیہ خرچ کرتے علاج دے 100روپے بچائے ونج سگدن۔صدر مملکت آکھیا جو انہاں وزیر صحت کوں ملک اچ ”فٹنس ڈے“ مناونڑ دی تجویز ڈتی اے ۔انہاں آکھیا جو صحت تے تعلیم دے شعبے اچ کیتے تے اقدامات دے اثرات وختی نظر آسن ۔
صدر مملکت ڈاکٹر عارف علوی دا پنجاب ہیلتھ فاﺅنڈیشن دے ڈوجھے روڈ شو دی تقریب نال خطاب
مضمون کا ماخذ : میگا فارچیون
متعلقہ مضامین
