اسلام آباد 23 اپرېل (اے پي پي) د خزانې وفاقي وزير محمد اورنګزېب وئيلي دي د ډھانچه جاتي اصلاحات د لارې د آئي اېم اېف د پروګرام نه بهر وتل دي٬ د سختو پرېكړو نه علاوه بله لاره نشته، اولس له به ټېكس وركول وي٬ د “روډ بېك ټو ماركيټ” منصوبې٬ ټېكسونو او د توان په نظام كښې بهترۍ، ايکسپورټس كښې زياتوالي او هر ډول لېكجز بندولو سره به د هېواد معيشت ښه كوٶ٬ ستمبر كال 2025 كښې به د افراط زر شرح د 5 نه 7 فيصد ته راشي چې ورسره به پاليسي رېټ كم شي ٬ په صنعتي نمو كښې به اضافه وشي۔ د نهې په ورځ قامي اسمبلۍ كښې د آغا سيد رفيع الله د لږ تر لږه اجرت او د سيد مصطفي شاه کمال لخوا د هېواد معيشت صورتحال په اړه په وړاندې كړي قرارداد بحث كښې وفاقي وزير محمد اورنګزيب ووئيل لږ تر لږه اجرت 25 زره ٶ كوم چې پارلمان 32 زره كړے او د خزانې وزارت د دې اعلاميه سمدستي جاري كړې وه ٬ داخله وزارت٬ کمشنر او د دوهم کمشنر د لارې په دې عملدرامد كوٶ٬ ده ووئېل په دې لړ كښې تر پايه تخت تر حده چې كوم ځاے بې غوري شوې زمونږ په علم كښې دې راوستلې شي ٬ مونږ به ئې ازاله كوٶ۔ د اتلسم بدلون نه پس صوبې خپلو چارو كښې خپلواكه دي او په دې لړ كښې به مونږ له صوبو سره هم خبره كول وي كوم ځاے چې كېدې شي كردار به لوبوٶ۔ ده ووئيل سركاري څانګو سره سره د لږ نه لږ اجرت اطلاق په نجي ادارو هم كېږي۔ د خزانې وزير ووئيل په سږني كال د تېر كال په مقابل كښې معاشي صورتحال بهتر دے٬ په كرنټ اكاٶنټ كښې بهتري راغلې او دا مهال د زرمبادله پانګې اته اربه ډالره دي٬ ده ووئيل مونږ نړيوال معيشت سره تړلې يو٬ په يو څو ورځو كښې به 1.0 اربه ډالره راشي٬ تر جون مونږ سره د دوو مياشتو د درامدي بل لپاره د 9 نه تر لس اربه ډالره به موجود وي۔ ده ووئيل تېره اوونۍ مې واشنګټن كښې تېره كړې ٬ په دغه موقع زما د ورلډ بېنك، اے ډي بي، آئي اېم اېف، اے آئي بي، اے آئي اېف سي، سعودي عرب، يو اے اي، قطر او د چين چارواكو سره ملاقاتونه شوي ٬ تر ټولو خوشبينه خبره دا ده چې دغه ټول غٶاړي چې د پاكستان معيشت كښې بهتري راشي٬ ده ووئېل په هېواد كښې دننه هم ټول غواړي چې پاكسان كښې معاشي استحكام وي۔ ده ووئيل زمونږ د زرعي جي ډي پي شرح نمو 5 فيصد ده ٬ زراعت او آئي ټي دوه داسې څانګې دي چې د آئي اېم اېف د قرض سره هېڅ تعلق نه لري، دا هر څه مونږ خپله كولې شو۔ ده ووئيل مونږ ډھانچه جاتي اصلاحات د لارې د آئي اېم اېف پروګرام څخه وتلے شو ٬ د سختو پرېكړو نه علاوه بله لاره نشته٬ اولس له به ټېكس وركول وي۔ ده ووئيل مونږ له د ټېكس او توان څانګه ښه كول دي٬ په سركاري څانګه كښې د 70 نه تر 80 ادارې داسې دي چې په زيان چلېږي٬ مونږ له هر ډول ليكجز كمول دي او اېكسپورټ زياتول دي، د روډ بېك ټو مارکيټ منصوبے او د نورو اصلاحارتو د لارې په سباٶن كښې مونږ له د آئي اېم اېف پروګرام نه وتل دي۔ ده ووئيل د مركزي بېنك د شمېرو له مخې تېر كال په جون جولائي كښې د افراط زر شرح 38 فيصد ته رسېدلې وه كومه چې دا مهال 20.07 فيصد ده٬ تر ستمبر كال 2025 به د افراط زر د پنځه نه اوو فيصده ته راشي چې ورسره به په پاليسي رېټ كښې هم كمے راشي او صنعتي شرح نمو به هم زياته شي۔
د ډھانچه جاتي اصلاحات د لارې د آئي اېم اېف د پروګرام نه وتل دي٬ د سختو پرېكړو نه علاوه بله لاره نشته۔ د خزانې وزير محمد اورنګزيب په قامي اسمبلۍ كښې څرګندونې
مضمون کا ماخذ : apostas dupla sena
متعلقہ مضامین
