سینیٹ میں آج ارکان کی کم تنخواہوں کی گونج سنائی دی، سینیٹر دنیش کمار نے کہا قانون بنانے والوں کی تنخواہ صرف ایک لاکھ 60 ہزار ہے، وفاقی وزیر اعظم نذیر تارڑ نے کہا کہ عوام میں غلط پھیلا ہوا ہے کہ ہم بھاری تنخواہوں پر ہیں۔
ایکسپریس نیوز کے مطابق سینیٹ کا اجلاس پینل آف چیئرمین کے رکن سینیٹر عرفان صدیقی کے زیرصدارت شروع ہوا۔
ایمل ولی کے میرے خلاف ا??فاظ کارروائی سے حذف کیے جائیں، شبلی فراز
اپوزیشن لیڈر شبلی فراز نے سینیٹر ایمل ولی کے بیان پر وضاحت مانگ لی ا??ر کہا کہ جو الفاظ میرے خلاف ایمل ولی نے ادا کیے وہ کارروائی سے حذف کیے جائیں۔
پریذائیڈنگ افسر عرفان صدیقی نے کہا کہ میں نے کل ایمل ولی خان کو کہا تھا کہ شبلی فراز کی غیر موجودگی میں کوئی بات نہ کریں۔
سی ڈی اے اسپتال میں 80 تا 20 گریڈ کی 40 اسامیوں پر بھرتی جاری
وزیر قانون اعظم نذیر تارڑ نے کہا کہ سی ڈی اے اسپتال میں گریڈ 18 سے 20 تک 40 خالی آسامیاں ہیں، متعلقہ وزارت نے سی ڈی اے ہسپتال کی خالی آسامیاں پر بھرتی کا عمل شروع کردیا ہے۔
سینیٹر سعدیہ عباسی نے وفاقی وزراء کی عدم موجودگی پر احتجاج ریکارڈ کرایا ا??ر کہا کہ وزیر داخلہ سینیٹ میں نہیں آتے ،جواب کون دے گا؟ وزیر داخلہ کو پابند کیا جائے کہ ایوان میں آئیں اور اراکین کا سامنا کریں۔
پریذائیڈنگ آفیسر عرفان صدیقی نے کہا کہ ان کی چھٹی کی درخواست آئی ہے آپ درست کہہ رہی ہیں ان سے کہا جائے گا کہ ایوان میں آئیں۔
وزیرقانون نے کہا کہ اسلام آباد کے ماسٹر پلان کے لیے وفاقی کمیشن کی تشکیل ہورہی ہے، وفاقی کمیشن اسلام آباد کے ماسٹر پلان میں تبدیلیوں کا جائزہ لے گا۔
ارکان اسمبلی کی تنخواہ صرف ایک لاکھ 60 ہزار روپے ہے، دنیش کمار
سینیٹر دنیش کمار نے ایک بار ارکان پارلیمان کی کم تنخواہ کے حوالے سے شکوہ کیا ا??ر کہا کہ قانون بنانے والوں کی تنخواہ ایک لاکھ ساٹھ ہزار ہے، نادرا کے چیئرمین، ڈپٹی چیئرمین اور افسران کی تنخواہیں لاکھوں میں ہیں، اس معاملے کی تحقیقات ہونی چاہیے کہ سوال کے جواب میں نادرا افسران کی تنخواہیں کیوں چھپائی گئیں؟
عرفان صدیقی نے تائید کی کہ ایوان میں کسی سوال کا ادھورا جواب نہیں دیا جانا چاہیے۔
بچوں کے لیے کوئی انٹرٹینمنٹ چینل نہیں ہے، سینیٹر روبینہ قائم خانی
سینیٹر روبینہ قائم خانی نے کہا کہ بچوں کے حوالے سے کوئی چینل نہیں بنایا گیا اس پر اعظم نذیر تارڑ نے کہا کہ اس پر آپ تحریری طور پر سوال جمع کرادیں، یہ اچھا سوال ہے، بچوں کے لیے صحت منت ٹی وی چینل ہونا چاہیے۔
عوام میں غلط پھیلا ہوا ہے کہ ارکان اسمبلی بھاری تنخواہ لی??ے ہیں، اعظم نذیر تارڑ
وزیرقانون اعظم نذیر نے تنخواہوں والے معاملے پر کہا کہ حکمران طبقہ کیا مراعات لے رہا ہے؟ ایک لاکھ 56 ہزار تنخواہ لے رہا ہے اور اسے کوئی گاڑی میسر نہیں، 400 لیٹر پیٹرول دیا جاتا ہے، بجلی اور گیس کا بل بھی وزرا خود دی??ے ہیں، اراکین پارلیمنٹ کو 8ہزار ماہانہ یوٹیلیٹی بلز کی مد میں دیے جا??ے ہیں جب کہ عوام میں جو غلط مفروضہ ہے کہ اراکین پارلیمنٹ بھاری مراعات لی??ے ہیں۔
نادرا کے پاس 2 ارب 64 کروڑ روپے کی گاڑیاں موجود ہیں
سینیٹ میں نادرا کی جانب سے ایک سوال پر جواب داخل کیا گیا کہ نادرا میں 2 ارب 64 کروڑ 33 لاکھ روپے سے زیادہ کی گاڑیاں موجود ہیں، نادرا کی کل 35 گاڑیاں ہیں، 9 کروڑ 97 لاکھ روپے سے زیادہ کی 9 گاڑیاں ریوو ہیں،4 گاڑیاں کورولا ہائی لیکس اور 8 الٹس گاڑیاں ہیں، کلٹس 4 ا??ر کیری بولان بھی 4 ہیں، سوک کی کل تین گاڑیاں نادرا کے پاس ہیں، 1 بس اور منی بسیں نادرا کے پاس ہیں۔
بعدازاں چئیرمین سینیٹ یوسف رضاگیلانی ایوان میں آگئے اور اجلاس کی صدارت سنبھال لی۔
لیگل ایڈ اتھارٹی ترمیمی بل 2024 منظور
ایوان سے لیگل ایڈ اتھارٹی ترمیمی بل 2024 سینیٹ سے منظ??ر کرلیا گیا۔ نیشنل فارنزک ایجنسی کے قیام کیلئے قانون وضع کرنے کے بل میں ترامیم واپس لے لی گئیں۔ یہ ترامیم سینیٹر ضمیر حسین گھمرو و دیگر نے پیش کی تھیں۔
نیشنل فرانزک ایجنسی بل 2024 سینیٹ میں پیش
نیشنل فرانزک ایجنسی بل 2024 سینیٹ میں پیش کردیا گیا۔ یہ بل وزیرقانون اعظم نزیر تارڑ نے پیش کیا۔ اپوزیشن ارکان نے بل پر اعتراض کیا۔ وزیر قانون نے کہا کہ یہ بل قائمہ کمیٹی میں متفقہ طور پر منظور ہوچکا، آپ کیسے مرکز کو قانون سازی سے روک سک??ے ہیں۔
سینیٹر عون عباس بپی کا ایوان میں اظہار خیال
سینیٹر عون عباس نے کہا کہ 75 سالہ سینیٹر اعجاز چوہدری جیل میں ہیں ان کی صحت بھی ٹھیک نہیں ہے اور ان کے اکاؤنٹس بھی بند ہوچکے ہیں، ان کے پروڈکشن آرڈرز جاری کئے جائیں تاکہ وہ ایک سیشن اٹینڈ کرسکیں، عرفان صدیقی صاحب آپ کی عمر کے ایک ساتھی جیل میں ہیں۔
چیئرمین سینیٹ یوسف رضا گیلانی نے کہا کہ کل بابر اعوان میرے پاس آئے تھے، میں نے وزارت قانون اور وزارت داخلہ کو معاملہ بھجوادیا ہے، امید ہے حکومت سنجیدگی سے اس معاملے کو دیکھے گی۔
عون عباس بپی نے کہا کہ ہمارے کارکنان گرفتار ہیں اور تین تین مہینے سے جیلوں میں ہیں
