اسلام آباد۔14ستمبر(اے پی پی) وفاقی وزیر دفاع خواجہ محمد آصف آکھیے پی ٹی آئی وزیراعلیٰ خیب??پخ??ون??وا دے ذریعے ڈٻل گیم کھیݙدی پئی اے ، بانی پی ٹی آئی دے ٹویٹ توں انھاں دا اصلی چہرہ بے نقاب تھی ڳئے ۔ قومی اسمبلی اجلاس اچ ڳالھ کریندے انھاں آکھیے بلاول بھٹو دی تجویز تے کمیٹی بݨائی ڳئی ،کمیٹی دے پہلے اجلاس اچ شرکت کیتی، ایندی صورتحال تے کمیٹی اجلاس توں واک آؤٹ کیتے ۔ سینئر ارکان پارلیمنٹ دے آکھݨ تے اجلاس اچ رل ڳیا، اوں ویلھے جیڑھا آکھیا ویندا ہئی او ہݨ کھل تے سامݨے آڳئے ، عمران خان دے ٹویٹ توں صورتحال خراب تھی ڳئی ۔ وزیراعلیٰ خیب??پخ??ون??وا اپݨی مرضی نال آئے ڳئن ، بانی پی ٹی آئی جاݨدن جو انھاں دے رابطے ہن تے او انہاں رابطیں کوں استعمال کرݨ چاہندن او دوغلی پالیسی تے عمل کریندے پئن ایں ٹویٹ توں پارلیمنٹ اچ اعتماد سازی سانڳے سامݨے آوݨ آلا ماحول خراب تھیا ۔ اپوزیشن لیڈر مختلف جماعتاں اچ رہ تے ایں جوش تے جذبے نال تقریر کریندے ہن ۔ ایوان اچ ماحول دی خرابی دے ذمہ وار بانی پی ٹی آئی اتے ایندے حامی ہن ، خیب??پخ??ون??وا اچ نفرت دے بج رادھے ویندے پئن اے علیحدگی پسنداں دی زبان ٻولیندے پئن ۔ ماضی اچ کہیں اتنی سخت زبان استعمال نی کیتی ،پنجاب اچ ساریاں قوماں وسدن تے کوئی غیر محفوظ کائنی ، سندھ تے خیب??پخ??ون??وا اچ ایہا صورت حال اے کوئی ݙو??ھی?? تے لشکر کشی نی کریندا انھاں کوں میڈیا دے ذریعے پاکستان مخالف بیانیہ ودھاوݨ سانڳے انہاں دی لوڑھ اے ، وزیراعلیٰ خیب??پخ??ون??وا دا بیان ملکی وحدت دے خلاف ہئی ۔ انہاں آکھیے بلاول بھٹو درست آکھیے جو سابق وزیراعظم کوں انھاں دے گھر آلیں دی کرپشن دے ثبوت ݙتے ڳئن جیڑھے بعد اچ ثابت وی تھئن ۔ تحریک عدم اعتماد ویلھے آئین تروڑیا ڳیا ، آرٹیکل دی خلاف ورزی کیتی ڳئی ایں تے عدالت ونڄݨا چاہیدے ۔ خواجہ آصف آکھیے وزیراعلیٰ خیب??پخ??ون??وا دے ذریعے ڈٻل گیم کھیݙی ویندی پئی اے اے آکھدن جو اساں مذاکرات نہ کریسوں پراسٹیبلشمنٹ نال مذاکرات دی ڳالھ کریندن ۔ ھک پاسے انھاں دے پیر ڈھہندن ݙوجھے پاسے ٹویٹ کریندن، ڳالھیں مندے تے مذاکرات کٹھے نی چل سڳدے ، اسٹیبلشمنٹ دی ہدایت تے جلسے ملتوی کرݨ دی ڳالھ توں انھاں دی تابعداری ظاہر تھیندی اے، بانی پی ٹی آئی دے ٹویٹ دی تصدیق کرائی ونڄے۔ انھاں دا اصلی چہرہ سامݨے آ ڳئے تے پارلیمانی کمیٹی کوں ختم کرݙیون۔
