اسلام آباد ۔ 24 جنوری (اے پی پی) وفاقی وزیر پارلیمانی امور شیخ آفتاب احمد سخت محنت دے بعد سانحہ قصور دے ملزم کوں گرفتار کرنڑ تے پنجاب حکومت تے جے آئی ٹی اچ شامل بئیاں ایجنسیاں دے اہلکاراں دیاں کاوشاں دی تعریف کیتی ۔ بدھ کوں ریڈیو پاکستان نال گال بات کریندے ہوئیں انہاں آکھیا جو واقعے اچ ملوث سفاک ملزم دے نال اوکھے ہتھاں نال نبڑیا ونجے ۔انہاں آکھیا جو نشوم بالڑی دا وحشیانہ قتل ناقابل معافی جرم اے ۔قصور توں قومی اسمبلی دے رکن ملک رشید احمد ایں حوالے نال آکھیا جو سفاک ملزم دا اقدام قابل مذمت اے ۔انہان مزید آکھیا جو بالاں دے نال جنسی تشدد عالمی قوانین دی خلاف ورزی اے تے تجویز پیش کیتی جو ایں طرح دے جرم دے خاتمے کیتے مخلصانہ کوششاں دی ضرورت اے ۔ انہاں آکھیا جو ملزم دی گرفتاری سیکورٹی فورسز دیاں کوششاں نال ممکن تھی ۔
مضمون کا ماخذ : راکی
