اسلام آباد ۔ 14 نومبر (اے پی پی) وزیر اعظم دے مشیر برائے خزانہ ڈاکٹر عبدالحفیظ شیخ آکھیے جو ترقی و خوشحالی کیتے نجی شعبہ دی بحالی اتے امیر طقبہ دی اپنڑے ملک اچ سرمایہ کاری ضروری اے، اجوکے دور اچ کوئی وی ملک کلہا ترقی نئیں کر سگدا،ایندے کیتے تزویراتی شراکت داری بنیادی شرط ہوندی اے۔ اے گالھ مشیر خزانہ اسلام آباد پالیسی ریسرچ انسٹیٹیوٹ ولوں بین الاقوامی امن و ترقی کانفرنس اچ خطاب کریندے آکھی۔ انہاں سعودی عرب، چین اتے ترکی توں علاوہ بئے ملکاں دی ترقی دی مثال ڈیندے آکھیا جو کجھ ڈھاکے پہلے انہاں ملکاں کوں کوئی نہ جانڑدا ہئی،بھل باہمی اشتراک دے فارمولے تے عمل توں بعد اے ملک وڈی ترقی کر گین،ترقی کیتے ترقی یافتہ ملکاں ولوں سرمایہ کاری دی لوڑھ ہوندی اے بھل ایندے تے توجہ نئیں ڈتی گئی،کجھ غلط پالیسیاں پاروں غیر ملکی سرمایہ کاری دا رجحان گھٹ رہے،پاکستان اچ وی خراب معاشی حالات پاروں ہر شعبے اچ مشکلات ہین،ایں سانگے کاروباری سرگرمیاں، سرماکاری تے ودھ توجہ ڈتی ویندی پئی اے تہوں ملکی حالات وی چنگے تھیونڑ لگ گین۔
ترقی و خوشحالی کیتے نجی شعبہ دی بحالی اتے امیراں دی اپنڑے ملک اچ سرمایہ کاری ضروری اے،مشیر خزانہ ڈاکٹر عبدالحفیظ شیخ
مضمون کا ماخذ : لوٹومینیا کے نتیجے میں پچھلے حصے
متعلقہ مضامین
