لاہور۔20اکتوبر(اے پی پی) وزیر اطلا??ات پنجاب عظمی بخاری آ??ھیے جو آئینی ترمیم تے تحریک انصاف نال ڳالھ کرݨ ویلھے دا ضیان اے ، پارلیمنٹ دے علاوہ کہیں کوں آئین دی من پسند تشریح کرݨ دا اختیار کائنی ۔آپݨے ھک بیان اچ انھاں آکھیے پارلیمنٹ دے بݨائے آئین اتےقوانین تے ہی ملک دے انتظامی و ریاستی معاملات چلدن ، پارلیمنٹ دے علاوہ کہیں ٻعے ادارے کوں آئین دی من پسند تشریح کرݨ دا اختیار کائنی ، انھاں آکھیے عدالتی اصلاحات موجودہ دور اچ ٻہوں ضروری تھی چکن ، آئینی عدالت دا قیام میثاق جمہوریت موجب عمل اچ گھن آیا ویندا پئے ، سا??ق وزیر اعظم محمد نواز شریف تے سا??ق وزیر اعظم بے نظیر بھٹوشہید جیڑھا میثاق جمہوریت کیتا آئینی ترمیم ایں دے تحت تھیندی پئی اے ۔ عظمی بخاری آ??ھیے اڈیالہ جیل اچ پی ٹی آئی دا وفد آئینی ترمیم تے ڳالھ کرݨ ڳیا تاں مہاتما 45 منٹ اپݨے روݨے روندا رہیا ،کل تئیں جیڑھے ݙوجھیں دے اے سی لہاوݨ دیاں تڑیاں ݙیندا ہئی اڄ آپݨا ٹی وی بند تھیوݨ دے شکوے کریندا پئے، بانی پی ٹی آئی آئینی ترمیم دے بدلے این آر او حاصل کرݨ چاہندن جیڑھا انھاں کوں ملݨا کائنی ھک سال جیل اچ رہݨ دے بعد وی انھاں دا مائنڈ سیٹ انتشاری ٹولے دے سرغنہ آلا اے۔ انہاں آکھیے جنہاں لوٹیں توں بانی پی ٹی آئی وزیراعظم بݨے انھاں کوں ہݨ غدار اکھیندے شرم آوݨی چاہیدی اے ،جیل اچ کوکونٹ اتے چقندر دا جوس پیوݨ نال انقلاب نی آندے ۔ص??بائی وزیر اطلا??ات آکھیے تحریک انصاف دے ارکان بانی پی ٹی آئی دی ریاست مخالف سرگرمیاں توں وی تنگ آچکن ،بانی پی ٹی آئی چاہندن جو ملک اچ ھک واری ول 9مئی تھیوے جیڑھا ہݨ تھیوݨ نہ ݙیسوں ۔ عظمی بخاری مزید آکھیے سپریم کورٹ دا اختیار صرف فیصلے یا وضاحتاں جاری کرݨ کائنی ، آئینی ترمیم تے اتفاق رائے چنڳی ڳالھ اے لیکن تحریک انصاف نال ڳالھ کرݨ ویلھے دا ضیان اے۔
