اسلام آباد 05 اګست (اے پي پي) صدر ډاكټر عارف علوي په هند زور راوړے چې هند دې د دواړو هېوادونو څوكالۍ په خاطر د پاكستان په ضد خپله كړې رويه پرېږدي٬د هر سازش نه پس به پاكستان د وړاندې څخه لا قوي رامخې ته كېږي٬كه هند د خپلو ګاونډيانو سره د شخړو هوارولو په ځاے تاؤ تريخوالےبرقرار وساتو نو د غريبۍ او پسماندګۍ غوندې ځينې چېلنجونو سره مخ كېدے شي۔كه هند دا ګڼي چې په پاكستان به فشار راوړي نو دا د هغوي غلط فهمي ده٬په كشمير زمونږ موقف بدلېدے نه شي٬پاكستان به تر هغه وخت د هند سره خبرې اترې نه كوي تر څو چې د مقبوضه كشمير خصوصي حېثيت بحال شوے نه وي۔د دې خيالاتو څرګندونه ده د كشمير د استحصال ورځې په موقع د آزاد كشمير په مظفرآباد ښار كښې د كډولو كېمپ ټهوټه كښې كډوالو ته خطاب كښې وكړه۔په دې موقع د آزاد جمو كشمير صدر سردار مسعود خان٬د آزاد كشمير وزيراعظم سردار عبدالقيوم خان نيازي٬وفاقي وزيرې فهميده مرزا او د كشمير د پارليماني چارو سېكرترې صوبيه كمال هم خطاب وكړو دغسې د قامي اسمبلۍ په غړو كښې ډاكټر نوشين٬رخسانه نويد٬ظل هما٬د آزاد كشمير چيف سېكرټري او نور هم موجود وو۔صدر ډاكټر عارف علوي ووئيل د پاكستاني اولس زړونه د كشميريانو لپاره درزېږي٬تر څو چې كشمير آزاد شوے نه وي مونږ به په قلاره سره نه كېښنو۔د كشميريانو هلې ځلې ترهه ګري نه بلكې د آزادۍ ترلاسه كولو هلې ځلې دي۔ملګري ملتونه هم د غاصب او ظالم په ضد د آزادۍ تحريكونو اجازه وركوي۔ ده ووئېل پاكستان هڅه كوي چې د امن د لارې د كشمير مسئله حل شي دغسې هند د جنګ هڅې كوي خو هغوي له خبردارے وركوو چې داسې سوچ هم ونه كړي۔د بالاكوټ پېښه ټولو ته ياده ده۔ده ووئيل هند خپل تاريخ ختمولو له په درغو اډانه تاريخ ليكل غواړي خو تاريخ چرې هم ختمېږي نه۔دا د هند غلط فهمي ده چې كشميريان به كمزورې شي۔د آزادۍ جذبه په زړونو كښې وي او دا جذبه تر پيړيو ختمېدې نه شي
هند دې د دواړو هېوادونو څوكالۍ په خاطر د پاكستان په ضد خپله كړې رويه پرېږدي۔د صدر ملكت ډاكټر عارف علوي د كشمير استحصال ورځې په موقع د مظفرآباد كډوالو كېمپ ټهوټه كښې كډوالو ته وېنا
مضمون کا ماخذ : bolão lotomania
متعلقہ مضامین
