اسلام آباد ۔ 20 اگست (اے پی پی) پاکستان اتے روس دی مشترکہ ملٹری مشاورتی کمیٹی دا ڈوجھا دور روس دے دارالحکومت ماسکو اچ تھیا ۔ پاکستانی وفد دی قیادت سیکرٹری دفاع لیفٹیننٹ جنرل (ر) اکرام الحق جڈاں جو روسی وفد دی قیادت ڈپٹی ڈیفنس منسٹر کرنل جنرل الیگزنڈر وی فومن کریندے پن ۔ ابتدائی سیشن توں پہلے ڈوہیں وچال ملاقات وی تھئی جیں اچ سانجھی دلچسپی دے امور تے گال مہاڑ کیتی گئی ۔ایں دوران فریقین ڈو پاسے تعلقات دی صورتحال دا جائزہ گھدا تے مختلف بین الاقوامی معاملات تے یکساں موقف تے اطمینان دا اظہار کیتے۔ ایں موقع تے علاقائی سلامتی دی صورتحال دے علاوہ فوجی تربیت، مشترکہ مشقاں، انٹیلیجنس تعاون اتے دفاعی صنعتی پیداوار متعلق امور سمیت سانجھے تعاون دے مختلف شعبیں دی نشاندہی تے گال مہاڑ کیتی گئی ۔ فریقین اجلاس دے دوران کیتے گے فیصلیں تے موثر عمل درآمد دا جائزہ گھننڑ تے وی اتفاق کیتا ۔انہاں ایں امید دا اظہار کیتا جو مشترکہ ملٹری مشاورتی کمیٹی ڈوہیں ملکاں وچال دفاعی تعاون ودھاونڑ اچ اہم کردار ادا کریسی ۔ایں موقع تے فیصلہ کیتا گیا جو مشترکہ کمیٹی دا تریجھا اجلاس 2020ءاچ پاکستان اچ تھیسی۔
پاکستان اتے روس دی مشترکہ ملٹری مشاورتی کمیٹی دا ماسکو اچ ڈوجھا اجلاس
مضمون کا ماخذ : پھل اور سات
متعلقہ مضامین
