اسلام آباد ۔ 10 جون (اے پی پی)وزیر اعظم دے معاون خصوصی صحت ڈاکٹر ظفر مرزاسنوار کوں قومی غذائی سروے 2018 دی تقریب توں خطاب کریندے ہوئیں آکھیا جو ایں ویلھا اساڈے کنوں ڈھگ ساری معلومات موجود ہن۔آﺅسارے رل مل تے اپنڑے بالاں کوں ا وہ مستقبل ڈیوں ،جیندے ا وہ حق دار ہن، وفاقی حکومت ملک دے غذائی ایجنڈے کوں ترجیح ڈیندی ہے اتے صوبیں دے کٹھے معلومات دی روشنی اچ غذائی شعبے اچ چنگا اقدامات کریسی۔ انہاں آکھیا جو وزیر اعظم عمران خان قومی غذائی سروے دے نتائج اچ خود دلچسپی گھندے پن اتے موجودہ حکومت پاکستان اچ خاص کر تریمتیں اتے بالاں اچ ناقص غذا ورگے وڈے مسئلیاں دے حل دا ارادہ کیتا ہوئے، بھاویں ا یہ ہک مشکل کم ہے مگر اساں یقین ڈیویندوں جواساں تساڈے بالاں کوں غذائی گھٹکی ورگے مسئلیاں توں باہر کڈھیسوں۔ ڈاکٹر ظفر مرزا آکھیا جو نیشنل نیوٹریشن سروے مطابق پاکستان اچ 5 سال تئیں دے 40 فیصد بال تاہ قد (Stunting) داشکار ہن، ملک اچ 28 فیصدبال گھٹ وزن دا شکارہن۔ نینگراں اچ 20 توں 21 فےصد اتے نینگر بالڑیاں 12 فیصد گھٹ وزن اتے غذائی گھٹکی دا شکار ہن،ماواں دا جمدے بالاں اپنڑاں کھیر پلاونڑدی شرح اچ چنگے اشارے ملے ہن، 14 فیصدماواں گھٹ وزن اتے غذائی گھٹکی دا شکار ہن جڈاں جو پچھلے سروے دے مقابلے اچ 10 فیصد چنگائی آئی ہے۔ صاف پانڑیں پیونڑ دی شرح ودھ گی ہے ، البتہ صرف21 فیصد پانڑیں مکمل محفوظ پاتا گئے۔ زچگی توں متعلق معلومات ٹھیک تھی گی ہن ،63 فیصد تریمتیں حمل دوران صحت دے مراکز اچ آندیاں ہن، 68 فیصد تریمتیں دوران زچگی ماہرےن توں مشورے گھدے ،جیندی مدد نال بالاں دی اموات اچ گھٹکی تھی ہے۔ سروے رپورٹ مطابق تریمتیں، بالاں، نینگر بالڑیاں دی غذائی کیفیت بارے معلومات کٹھی کیتیاں گئیاں ،ایندے اچ غذائی گھٹکی دا شکار تریمتیں اتے بالاں دی معلومات شامل ہن ۔ وزارت قومی صحت دے نیوٹریشن ونگ صوبائی حکومتاں دے تعاون نال ایں سروے دی ضلعی سطح تئیں نگرانی کیتی۔
وزیر اعظم دے معاون خصوصی صحت ڈاکٹر ظفر مرزا دا قومی غذائی سروے 2018 دی تقریب توں خطاب
مضمون کا ماخذ : لاٹری کا ٹکٹ کیسے خریدیں
متعلقہ مضامین
