اسلام آباد ۔ 29 مئی (اے پی پی) وزیراعظم عمران خان نال بدھ کوں اتھاں متحدہ قومی موومنٹ دے وفد ملاقات کیتی۔ وفد اچ وزیر انفارمیشن ٹیکنالوجی ڈاکٹر خالد مقبول صدیقی، وزیرقنون ڈاکٹر محمد فروغ نسیم، عامر خان، کنور نوید، وسیم اختر، امین الحق اتے فیصل سبزواری شامل ہن۔ وزیر منصوبہ بندی مخدوم خسرو بختیار اتے معاون خصوصی نعیم الحق وی ملاقات اچ موجود ہن۔ وفد وزیراعظم کو ں ڈسایا جو گزریل10 سالاں اچ کراچی اتے حیدرآباد اچ جعلی ڈومیسائل دی بنیاد تے انہاں وڈے شہراںدے رہاشیاں کوں سرکاری نوکریاں اچ جائز حق توں محروم رکھیا گئے۔ انہاں مطالبہ کیتاجو ایجھا غیر قنونی عمل دی تحقیقات کرائیاں ونجنڑ۔ وفد درخواست کیتی جو صوبائی سطح تے این ایف سی دی انصاف نال تقسیم کوں یقینی بناونڑ سانگے صوبائی مالیاتی کمیشن بنڑاونڑ تے عمل درآمد یقینی بنڑایا ونجے۔ صوبائی مالیاتی کمیشن بنڑاونڑتئیں ایں گالھ کوں یقینی بنڑایا ونجے جوکراچی اتے حیدرآباد ورگا وڈے شہراں کوں ترقیاتی فنڈز اچ انہاں دا جائز حق ملسی۔ ملاقات اچ کراچی دے ترقیاتی منصوبیں تے وی تفصیل نال گالھ مہاڑ کیتی گئی۔
وزیراعظم عمران خان نال متحدہ قومی موومنٹ دے وفد دی ملاقات
مضمون کا ماخذ : ڈریگن کی قسمت
متعلقہ مضامین
