اسلام آباد ۔ 29 مئی (اے پی پی) محکمہ موسمیات پاکستان خبردار کیتے سوشل میڈیا دے ذریعے شدید موسمی حالات دے تاثرتے مبنی غیرمصدقہ اتے من گھڑت معلومات کھنڈائیاں ویندیاں پن ،ایں حوالے نال لوکاں اچ ڈر نہ کھنڈایا ونجے ۔محکمہ موسمیات ولوں ہنڑیں ہی جاری ہک چتاونڑیں اچ عوام کوں ایں طرح دیاں کوڑیاں خبراں تے یقین نہ کرنڑ دا مشورہ ڈتے تے آکھیے جو انہاں غیر مصدقہ اطلاعات دا محکمہ موسمیات نال کوئی تعلق کائنی ۔ محکمہ موسمیات ولوں موسم بارے ہر طرح دی مصدقہ معلومات باضابطہ طور تے پرنٹ اتے الیکٹرانک میڈیا دے ذریعے جاری کیتیاں ویندن جڈاں جو ایں کیتے محکمہ موسمیات دی ویب سائیٹ www.pmd.gov.pk کوں وی باقاعدگی نال اپ ڈیٹ رکھیا ویندے ۔ ایں کیتے مصدقہ معلومات سانگے عوام انہاں ذرائع تے انحصار کرن۔
مضمون کا ماخذ : سپر اسپنر