پشاور۔02 مئی (اے پی پی)وزیر اعظم عمران خان خمیس کوں مہمند ڈیم ہائیڈرو پاور پراجیکٹ دا سنگ بنیاد رکھ ڈتا ‘ ڈیم توں800 میگا واٹ سستی بجلی، 1.2 ملین ایکڑ فٹ پانڑیں ذخیرہ کرنڑ دی سہولت ملسی، منصوبہ ترائے ارب ڈالر دی لاگت نال پنج سال اچ مکمل کیتا ویسی، پشاورکوں 13.32 ملین کیوبیک میٹر پیونڑ دا صاف پانڑیں، پشاور ‘ چارسدہ ‘ نوشہرہ اتے بئے ضلع سیلاب توں محفوظ تھی ویسن ۔ سنگ بنیاد رکھنڑ دی تقریب اچ گورنر خیبر پختونخوا شاہ فرمان ‘ وزیر اعلیٰ محمودخان ‘ وفاقی وزیر دفاع پرویز خٹک ‘ چیف آف آرمی سٹاف جنرل قمر جاوید باجوہ ‘ سپریم کورٹ آف پاکستان دے سابق چیف جسٹس میاں ثاقب نثار ‘ وفاقی وزیر آبی وسائل فیصل واڈا ‘ وفاقی وزیر مذہبی امور پیر نورالحق قادری ‘سینیٹر فیصل جاوید ‘ رکن قومی اسمبلی ساجد خان ‘ پاکستان تحریک انصاف دے بئے رہنماواں اتے واپڈ ا حکام شرکت کیتی ۔ چیئر مین واپڈا اتے ڈیم دے پراجیکٹ ڈائریکٹر لیفٹیننٹ جنرل (ر)مزمل حسین وزیر اعظم کوں ڈیم دے حوالے نال بریفنگ ڈیندے ہوئیں ڈسایا جو مکمل تھیونڑ دے مہمند ڈیم توں سالانہ 2,862 گیگا واٹ بجلی ملنڑ دے نال نال 12 لکھ ایکڑ فیٹ پانڑیں ذخیرہ کرنڑ دی سہولت وی ملسی اتے ایندی مدد نال 17 ہزار ایکڑ بنجر زمین زیر کاشت لاتی ونج جا سگسی ۔مہمند ڈیم ضلع دریائے سوات تے چارسدہ اتے ضلع مہمند دے ادھ اچ بنرایا ویندا پئے،جیرھا جو پشاور توں 48 کلومیٹر دور ہے ۔وزیر اعظم کوں ڈسایا گیا جو مہمند ڈیم توں صوبائی دارالحکومت کو ں13.32 ملین کیوبیک میٹر پیونڑ دا صاف پانڑیں ملسی ۔منصوبہ 183 ارب روپے دی لاگت نال پنج سال اچ مکمل تھیسی ‘ منصوبے تے کم شروع تھیونڑ نال روزگار دے مواقع ملنڑ دے نال نال علاقے اچ غربت گھٹسی اتے ایندے نال سالانہ 51 اعشاریہ چھ ارب روپے دا فائدہ تھیسی ، 213 میٹر بلند مہمند ڈیم بنڑن نال سیلاب دے خطرات نال نبڑن اچ مدد ملسی جڈاں جو ڈیم دا آبی ذخیرہ دریائے سوات دے پانڑیں دی روانی کو ں معمول تے رکھنڑ سانگے مدد گار ثابت تھیسی،اتے دریا دا پانڑیں سیلابی شکل اختیار کائناں کریسی، بریفنگ اچ ڈسایا گیا جو ڈیم بنڑاونڑ سانگے 8675 ایکڑ زمین خرید کیتی گئی ہے ،جڈاں جو پانی سٹور کرنڑ اتے ایریگیشن نیٹ ورک بنڑاونڑ سانگے 56کلو میٹر لمبا علاقہ ایندے علاوہ ہے۔
وزیر اعظم عمران خان مہمند ڈیم ہائیڈرو پاور پراجیکٹ دا سنگ بنیاد رکھ ڈتے
مضمون کا ماخذ : estatisticas lotomania
متعلقہ مضامین
