اسلام آباد ۔22نومبر (اے پی پی) مشیر خارجہ سرتاج عزیز بھارت ولوں ورکنگ بائونڈری اتے کنٹرول لائن تے اجوکی فائرنگ اتے گولہ باری دی مذمت کریندیں ہوئیں آکھیا جو پاکستان بھارت دی بلااشتعال فارئنگ اتے گولہ باری دا بھرپور جواب ڈتے۔بھارت کشمیر اچ مظالم توںدنیا دی توجہ ہٹاونڑ چاہندے۔منگل کوں ایوانبالا اچ مشیر خارجہ پاکستان اتے بھارت وچال اجوکی کشیدگی اتے مقبوضہ کشمیر اچ بھارتی قبضے اتے مظالم دے خلاف جاری اجوکی جدوجہد بارے سینیٹ دی کمیٹی آف دی ہول ولوں بھجوائی گئی ،سفارشات اتے رہنماء اصولاں تے عملدرآمد بارے ایوان بالا کوں ڈسایا گئیا۔انہاں آکھیا جو سینیٹ دی کمیٹی دی سفارشات دی روشنی اچ حکومت اقدامات کیتن۔ایں بارے انہاں کئی فیصلیاں اتے اقدامات دا ذکرکیتا۔انہاں آکھیا جو بھارت دی انتہا پسند پالیسیاں دے خلاف ہنڑ بھارتی میڈیا اچ وی آواز بلندی تھیندی پئی اے۔انہاں آکھیا جو پاکستان خطے اچ امن دا خواہاں اے۔او آئی سی مقبوضہ کشمیر اچ انسانی حقوق دی صورتحال دا جائزہ گھنڑ سانگے مشن بھجواونڑ دی درخواست کیتی اے۔بھارت ایں تے راضی کائنی ۔اساں کشمیر سمیت سارے مسئلے مذاکرات نال حل کرنڑ دے خواہاں ہیسے۔پاکستان2003ء سیز فائر دے معاہدے دا پابند اے ،بھارت ولوں ایں معاہدے دی ولا ولا خلاف ورزی کیتی ویندی پئی اے۔
پاکستان بھارت دی بلااشتعال فائرنگ اتے گولہ باری دا بھرپور جواب ڈتے،بھارت کشمیر اچ مظالم نال دنیا دی توجہ ہٹاونڑ چاہندے، مشیر خارجہ سرتاج عزیز
مضمون کا ماخذ : como apostar na mega sena
متعلقہ مضامین
