اسلام آباد ۔ 15 دسمبر (اے پی پی) وفاقی کابینہ ‘فاٹا ریفارمز رپورٹ دی منظوری کوں بئے مشورے سانگے موخر کر ڈتا فاٹا ریفارمز کمیٹی جے یو آئی (ف)اتے پختونخوا ملی عوامی پارٹی نال فاٹا ریفارمزبارے ولا ملاقاتاں کریسی ۔وزیر اعظم محمد نواز شریف اتے کابینہ فاٹا ریفارمز کمیٹی دی کاوشاں کوں سراہیا اتے ایں گالھ دا اعتراف وی کیتا جو پہلی واری فاٹا ریفارمز بارے اتنی تفصیلی رپورٹ بنڑائی گئی اے۔خمیس کوں وزیر مملکت برائے اطلاعات تے نشریات اتے قومی ورثہ مریم اورنگزیب اتے وفاقی وزیر سرحدی و ریاستی امور لیفٹیننٹ جنرل (ر) عبدالقادر بلوچ ‘ وزیراعظم آفس دے آڈیٹوریم اچ میڈیا کوں بریفنگ ڈیندیں ہوئیں آکھیا جو وزیر اعظم نواز شریف دی صدارت اچ وفاقی کابینہ دے اجلاس دے آغاز تے پی آئی اے طیارہ حادثہ اتے کراچی اچ نجی ہوٹل اچ آتشزدگی اچ جاں بحق تھیونڑ آلے بندیاں سانگے فاتحہ خوانی کروائی گئی۔کابینہ دے اجلاس اچ فاٹا ریفارمز رپورٹ پیش کیتی گئی جئیں تے سیر حاصل مشاورت کیتی گئی۔وزیر مملکت برائے اطلاعات و نشریات مریم اورنگزیب ڈسائی جو فاٹا ریفارمز بارے پہلے ادوار اچ صرف گالھیں تھیندی رہندی ہن پہلی واری اجوکی حکومت اچ فاٹا ریفارمز بارے تجویزاں کوں اخیری شکل ڈتی گئی اے۔
وزیر مملکت مریم اورنگزیب اتے وفاقی وزیرلیفٹیننٹ جنرل (ر) عبدالقادر بلوچ دی وفاقی کابینہ اجلاس دے بعد میڈیا کو ںبریفنگ
مضمون کا ماخذ : پاور بال انعامات
متعلقہ مضامین
