اسلام آباد۔17دسمبر(اے پی پی)وزیراعظم محمد شہباز شریف آکھیے جو مرکزی بینک ولوں پالیسی ریٹ اچ کمی معیشت تکڑی تھیسی، سرمایہ کاری ودھاوݨ ترجیح اے۔ وفاقی کابینہ دے اجلاس دی اڳواݨی کریندے وزیراعظم محمد شہباز شریف مسلم لیگ (ن) دے دیرینہ کارکن صدیق الفاروق دی خدمات کوں خراج عقیدت پیش کریندے آکھیے جو او مسلم لیگ (ن) اتے نواز شریف دے دیرینہ ساتھی ہن۔ انہاں مرحوم کیتے دعائے مغفرت کرائی۔ وزیراعظم ضلع کرک اچ انسداد پولیو کیتے کم کرݨ آلی ٹیم تے حملے کوں افسوسناک قرار ݙیندے آکھیے جو پاکستان اتے افغانستان دے سوا پورے ڄڳ ??وں پولیو مک چکیے، پولیو مکاوݨ اچ رکاوٹاں سٹݨ افسوسناک اے۔ انہاں پولیو ٹیماں کوں خراج تحسین پیش کیتے۔ اجلاس اچ شہید پولیو اہلکار اتے یونان اچ کشتی حادثہ اچ ??رݨ آلیاں کیتے مغفرت دی دعا کیتی گئی۔ وزیراعظم یونان کشتی حادثہ کوں افسوسناک قرار ݙیندے آکھیا جو 2023ء اچ ??ی ایہو ڄھیاں حادثہ تھیا ہا، انسانی سمگلنگ ہک سنجیدہ چیلنج اے، حکومت انسانی سمگلنگ روکݨ کیتے اہم ات?? ہمہ گیر فیصلے کیتے ہن، ایں سانڳے تیکھے متعلقہ وزراء اتے سیکرٹریز دا اجلاس سݙ تے بلائیں گے تاکہ اس ایں بارے فیصلاں تے عملدرآمد دا جائزہ ڳھدا ویسی اتے آندی حکمت عملی ٻݨائی ویسی۔ وزیراعظم سٹیٹ بینک دی پالیسی ریٹ اچ ??ئی 2 فیصد کمی خوش آئند قرار ݙیندے آکھیے جو پالیسی ریٹ 22 فیصد ??وں ڳھٹدا ص??ف 13 فیصد تے آڳئے جیندے نال کاروبار، صنعت و حرفت، زراعت، برآمد کنندگان اتے سرمایہ کاراں کیتے خوش آئند اے، ایندے نال پیداواری صلاحیت اتے سرمایہ کاری ودھݨ سودھا معیشت تکڑی تھیسی۔ وزیراعظم 2018ء دے بعد مہنگائی دی ڳھٹ ترین سطح تے اﷲ تعالیٰ دا شکر کریندے آکھیے جو ہݨ معیشت کوں سیدھا کرݨ دا چنڳاں ویلھا اے، معشیت تکڑی تھیوݨ دا فیدہ چیندے ہوئے اندرون و بیرون ملک سرمایہ کاری ودھائی ویسی، ایں سانڳے تیاری پوری اے جیندا تیکھے اعلان کریسوں۔
