کراچی: شاہ لطیف ٹاؤن میں نجی اسکول سے پراسرار طور پر لاپتہ ہونے والی دوسری جماعت کی طالبہ کو بازیاب کرالیا گیا۔
تھانہ شاہ لطیف پولیس نے 8 سالہ بچی عائشہ یوسف کے اغوا کا مقدمہ اس کے والد سمیر شاہ کی مدعیت میں اغواء ??ی دفعہ 364 پی پی سی کے تحت درج کیا تھا۔
بچی اپ??ی نانی کے گھرسے بازیاب ہوئی۔ پولیس نے چوبیس گھنٹے کے اندر اندر بچی کوبازیاب کرایا۔
شاہ لطیف ٹاؤن پولیس نے یوسف گوٹھ عارفانی گوٹھ میں سرچ آپریشن کیا جس کے دوران ایک عمارت کے باہر پولیس پہنچی تو عمارت کے رہائشیوں میں کھلبلی مچ گئی ، پولیس عمارت کی چوتھی منزل پر پہنچی توایک خاتون بچی کو چادرمیں لپیٹ کرلے جا رہی تھی، جس پر پڑوسیوں نےشور مچا دیا۔
پولیس نے بچی کو قبضے میں لیااور اس کی تصویر دیکھی توبچی وہی تھی جو لا پتہ ہوئی تھی۔ جس خاتون سے بچی برآمد ہوئی وہ اس کی سگی نانی ہے۔ پولیس نے ملزمہ نانی ،اسکول پرنسپل ، چوکیدار اور ایک خاتون کو گرفتار کرکےانویسٹی گیشن پولیس کے حوالے کردیا۔
پولیس کا کہنا ہے کہ ابتدائی تفتیش سے لگتاہے کہ نانی بچی کو مارنا چاہتی تھی ، مزید تفتیش جاری ہے۔
قبل ازیں ایف آئی آر کے متن کے مطابق بچی کے والد سمیر شاہ نے بتایا ہے کہ وہ گلشن عرفانی کے رہائشی ہیں اور رکشہ چلاتے ??یں??میری 8 سالہ بیٹی 10دسمبر کو اپ??ے بھائی بلال کے ساتھ گلشن عرفانی میں واقع نجی اسکول میں گئی۔
والد نے کہا کہ اسکول میں چھٹی کے وقت میرا بیٹا اپ??ی بہن کا انتظار کر??ا رہا۔میری بیٹی نہیں آئی جس کے بعد بیٹا گھر لوٹ آیا۔میں فوری اسکول گیا مگر بیٹی نہیں ملی۔ محلے والوں اور رشتے داروں کے ہمراہ بیٹی کو تلاش کیا۔میری بیٹی کو نامعلوم دشمنی کی بنیاد پر نامعلوم ملزم یاملزمان نےاغواء کرلیا ہے۔
