ایں کتاب اچ 27 ترکیباں ہن، اے یونیورسٹی دی سطح تے لکھی ڳئی پہلی کتاب اے: ڈاکٹر تحسین فاطمہ میانو
حیدرآباد۔29اکتوبر(اے پ?? پی) سندھ زرعی یونیورسٹی ٹنڈو جام دے شعبہ انسٹی ٹیوٹ آف فوڈ سائنس اینڈ ٹیکنالوجی دی ایسوسی ایٹ پروفیسر ڈاکٹر تحسین فاطمہ میانودی کیلے دی تحقیق تے مبنی کتاب ‘‘بنانا ريسيپی’’ شائع تھی ڳئی اے ۔ کتاب دی رُونمائی تقريب سندھ زرعی یونیورسٹی ٹنڈو جام اچ تھئی ۔ اسٹوڈنٹ ٹیچر انگیجمنٹ پروگرام دی مدد نال لکھی ڳئی کتاب دی روُنمائی وائس چانسلر ڈاکٹر فتح مری، ایف اے او دے سندھ آفس دے سربراہ جیمز رابرٹ اوکوتھ اتے مختلف ڈینز کیتی ۔ ایں موقع تے سندھ زرعی یونیورسٹی دے وائس چانسلر ڈاکٹر فتح مری آکھیے سندھ زرعی یونیورسٹی آندیاں نسلاں سانڳے فوڈ ??یک??ورٹی متعلق مسئلیں دے حل سانڳے آپݨے ماہرین دے ذریعے جدید تحقیق تے انحصار کریندی پئی اے تے اے کتاب خاص طور تے فوڈ ٹیکنالوجی متعلق اے۔ اے کتاب طلباء، پیشہ ور لوکاں تے نجی شعبے دے سرمایہ کاراں سانڳے فیدہ مند ہوسی۔ فیکلٹی آف ایگریکلچرل انجینئرنگ دے ڈین ڈاکٹر الطاف علی سیال آکھیے زرعی مصنوعات کوں تجارتی بنیاداں تے ودھارا ݙیوݨ سانڳے مزید تحقیق تےنویں پراجیکٹس دی لوڑھ اے ۔ کتاب اچ شامل ترکیباں خوراک دے شعبے سانڳے نویں ٹیکنالوجی تے غذائی مصنوعات دی تیاری اچ کارآمد ثابت تھیسن۔ ایف اے او سندھ دے سربراہ جیمز رابرٹ اوکوتھ تعلیمی اداریں نال ایف اے او دے تعاون دی تفصیلات ݙسائن جیں دا مقصد پائیدار زراعت دے غذائی نظام کوں سپورٹ کرݨ اے ، کتاب دی مصنفہ تے انسٹی ٹیوٹ آف فوڈ سائنسز اینڈ ٹیکنالوجی دی ایسوسی ایٹ پروفیسر تحسین فاطمہ میانو آکھیے کیلے توں بݨیے چپس تے مورنگا دے پاؤڈر اتے مختلف مصنوعات دی مارکیٹ اچ ٻہوں مانگ تے گنجائش اے۔جیں توں شہری اتے دیہاتی تریمتاں سانڳے چھوٹے پ??مانے تے کاروبار دے ٻہوں موقع بݨائے ونڄ سڳدن ، ریسیپی کتاب اچ شامل ترکیباں سوکھیاں تے قابل فہم اندازاچ لکھیاں ڳئن تاں جو ہر عمر دے لوکاں خاص طور تے ٻالاں سانڳے صحت بخش خوراک کوں تیار کیتا ونڄ سڳے ، اے پ?? پی نال ڳالھ کریندے ڈاکٹر تحسین فاطمہ میانو آکھیے ایں کتاب اچ 27 ترکیباں ہن تے اے یونیورسٹی دی سطح تے لکھی ونڄݨ آلی پہلی کتاب اے۔ ڈین آف اینیمل ہسبنڈری اینڈ ویٹرنری سائنسز ڈاکٹر غیاث الدین شاہ راشدی آکھیے کیلے اچ موجو?? مائیکرو نیوٹرینٹس پاروں ہر عمر دے لوکاں سانڳے مختلف غذائی فیدے ہن ۔ ایں موقع تے یونیورسٹی ایڈوانسمنٹ اینڈ فنانشل اسسٹنس دے ڈائریکٹر ڈاکٹر محمد اسماعیل کنبھر، اورک دی ڈائریکٹر پروفیسر ڈاکٹر تنویر فاطمہ میانو اتے ٻئیں خطاب کیتا ۔ ایں موقع تے مورنيگا توں تیار مختلف مصنوعات دے سٹال وی لاتے ڳئن
