اسلام آباد ۔ 9 جنوری (اے پی پی)وزیر خارجہ مخدوم شاہ محمود قریشی آکھیے جو عوام کوں ودھ توں ودھ سہولتاں ڈیونڑ اساڈی حکومت دی پہلی ترجیح اچ شامل اے ایندے تے عمل کرنڑ کیتے اساں ڈینھ رات کوشاں اوں ۔ اے گال انہاں خمیس کوں وزارت خارجہ اچ قائم کیتے گے نویں قونصلر ہال دا افتتاح کریندے ہوئیں آکھی اے ۔سیکریٹری خارجہ سہیل محمود، سپیشل سیکریٹری معظم احمد خان، ترجمان وزارت خارجہ عائشہ فاروقی اتے وزارتِ خارجہ دے سینئر حکام وی وزیر خارجہ دے رلے ہن ۔ایں نویں ہال دے قیام دا مقصد قونصلر سیکشن اچ دستاویزات دی تصدیق کیتے آونڑ آلیں کوں ساریاں ممکن سہولتاں ڈیونڑ کیتے کیتا گے ۔قونصلر ہال دے باہروں خصوصی”انتظار گاہ”بنڑائی گی اے تاں جو سائلین اتھاں آرام نال بہہ تے واری دا انتظار کرسگن ۔شاہ محمود قریشی آکھیے جو قونصلر سیکشن اچ ایں نویں بلڈنگ اچ ٹوکن جاری کرنڑ دی ہک نویں مشین لاتی گئی اے تاں جو سائلین دے قیمتی وقت کوں بچایا ونج سگے تے انہاں کوں مطلوبہ سہولتاں وقت ضائع کیتے بغیر میسر آسگن ۔
وزارت خارجہ اچ نویں قونصلر ہال دا افتتاح ،عوام کوں ودھ توں ودھ سہولتاں ڈیونڑ حکومت دی ترجیح اے ، وزیر خارجہ مخدوم شاہ محمود قریشی
مضمون کا ماخذ : ماہی گیری کا جنون
متعلقہ مضامین
