اسلام آباد ۔ 16 اگست (اے پی پی) بھارت دے ڈپٹی ہائی کمشنرآہلو والہ کوں ہک وار ولا دفتر خارجہ اچ سڈ تے بھارتی فورسز ولوں کنٹرول لائن تے جنگ بندی دی بلااشتعال خلاف ورزیاں تے شدید احتجاج ریکارڈ کرایا گئے۔ ترجمان دفتر خارجہ مطابق ڈائریکٹر جنرل (جنوبی ایشیاءو سارک) ڈاکٹر محمد فیصل بھارتی ڈپٹی ہائی کشمنر گوروف آہلو والہ کوں جمعہ کوں دفتر خارجہ طلب کیتا اتے 16 اگست کوں بھارتی فورسز ولوں کنٹرول لائن تے جنگ بندی دی بلااشتعال خلاف ورزیاں دی شدید مذمت کیتی گی۔ بھارتی فورسز ولوں لیپہ اتے بٹل سیکٹراں اچ بلااشتعال فائرنگ دے نتیجے اچ ڈو بے گناہ شہری محمد عزیز اتے منیب اتے ہک فوجی جوان رمضان شہید تھی گن۔ ترجمان دا آکھنڑ ہا جو بھارتی فورسز ایل او سی اتے ورکنگ باﺅنڈری تے شہری آبادی کوں مارٹر اتے خودکار ہتھیاراں نال مسلسل نشانہ بنڑیندی پی ہے۔ انہاں آکھیا جو جانڑ بوجھ تے شہریاں کوں نشانہ بناونڑ افسوسناک ،اتے انسانی وقار تے انسانی حقوق دے بین الاقوامی قوانین دی خلاف ورزی ہے۔ ترجمان آکھیا جو بھارت ولوںجنگ بندی دی خلاف ورزیاں علاقائی امن تے سلامتی سانگے خطرہ ہن۔ انہاں بھارت تے زور ڈتا جو ا وہ 2003ءدے جنگ بندی معاہدے دااحترام کرے، جنگ بندی دی خلاف ورزیاں دے موجودہ اتے بئے واقعات دی تحقیقات کراوے، بھارت اپنڑیاں فورسز کوں جنگ بندی داحقیقی طورتے احترام کرنڑ دی ہدایت کرے اتے ایل او سی اتے ورکنگ باﺅنڈری تے امن برقرار رکھے۔
بھارتی ڈپٹی ہائی کمشنرآہلو والہ دی ہک وار ولا دفتر خارجہ طلبی پاکستان ،بھارتی فورسز ولوں کنٹرول لائن تے جنگ بندی دی بلااشتعال خلاف ورزیاں تے شدید احتجاج ریکارڈ کرائے
مضمون کا ماخذ : melhores loterias do Brasil
متعلقہ مضامین
