اسلام آباد ۔ 27 جون (اے پی پی) چیئرمین نیب جسٹس جاوید اقبال آکھیے جوملک توں کرپشن مکاونڑ اتے عوام دی لوٹی ہوئی رقم دی واپسی نیب دی پہلی ترجیح ہے۔ انہاں آکھیا جونیب کرپٹ عناصر توں عوام دی لوٹی ہوئی تقریباً 326 ارب روپے دی رقم برآمد کرتے قومی خزانے اچ جمع کرائی ہے جیرھی جو ہک ریکارڈ کامیابی ہے، مضاربہ اتے مشارکہ سکینڈلز اچ ہزاراں لوکیں دی لوٹی گی رقم دی واپسی سانگے نیب سنجیدہ اقدامات کریندا پئے اتے ہنڑ تئیں43 وڈے ملزماں دی گرفتاری عمل اچ لاتی گی ہے جنہاں وچوں کجھ مقدمیاں دا فیصلہ تھی گئے،جڈاں جو مضاربہ اتے مشارکہ سکینڈلز دے بئے مقدمے احتساب عدالتاں اچ زیر سماعت ہن۔انہاں آکھیا جو نیب بدعنوانی توں متعلق عوامی شکاےتاں دا قنون اتے ثبوتاں مطابق جائزہ گھندا پئے اتے کرپٹ عناصر کوں قنون مطابق منطقی انجام تئیں پجایاویسی۔ چیئرمین نیب جسٹس جاوید اقبال اپنڑے عہدے دیاں ذمے دارےا ں سانبھنڑ دے بعد نیب افسراں نال خطاب اچ ایں گالھ دا اعلان کیتا ہا جوا وہ ہر مہینے دی چھیکڑی خمیس کوں کرپشن توں متعلق عوام د ی شکایتاں خود نیب ہیڈ کوارٹرز اچ سنڑسن ،اتے اوہ ایں گالھ تے عمل کریندے پن۔
ملک توں کرپشن مکاونڑ اتے عوام دی لوٹی ہوئی رقم دی واپسی نیب دی پہلی ترجیح ہے،چیئرمین نیب جسٹس جاوید اقبال
مضمون کا ماخذ : کمپیوٹر لاٹری کی پیشن گوئی
متعلقہ مضامین
