استنبول ۔ 20 اکتوبر (اے پی پی)وزیراعظم شاہد خاقان عباسی آکھیا جو ترک تاجر،کاروباری بندے اتے وڈی کمپنیاں پاکستان اچ معیشت دے مختلف شعبیاں اچ سرمایہ کاری کرن،پاکستان دی حکومت انہاں کوں ودھ توں ودھ سہولتاں ڈتے حماےت ڈیسی۔انہاں اے گالھیں ڈی ایٹ سربراہ کانفرنس دے موقع تے ترکی دے غیر ملکی اقتصادی تعلقات بورڈ نال ملاقات اچ گالھ مہاڑ کریندیں ہوئیں آکھی۔انہاں آکھیا جو ترکی دے کاروباری گروپ فوڈ پراسسنگ انڈسٹری خصوصی طور کھیر اتے پھلاں دی مارکیٹ اچ وی سرمایہ کاری دے امکانات دا جائزہ گھن سگدن۔انہاں آکھیا جو پاکستان دے رستے اساڈے ہمسایہ خلیجی ملک اتے وسط ایشیاءدے ملکاں کوں برآمدات دے موقع موجود ہن ۔بنیادی ڈھانچہ، ٹرانسپورٹ، بیوریجز تے الیکٹرانک دے شعبیاں اچ ترکی دی کجھ کمپنیاں ولوں پاکستان اچ سرمایہ کاری دا ذکر کریندیں ہوئیں انہاں آکھیا جو پاکستان مختلف شعبیاں اچ بئی کمپنیاں دی سرمایہ کاری دا خیرمقدم کریسی۔ٹیکسٹائل دے شعبے اچ سانجھے منصوبے وی قابل عمل ہن کیونجو پاکستان ڈے کپاہ دی پیداوار اتے بہوں تربےت یافتہ افرادی قوت موجود اے۔انہاں آکھیا جو پاکستان کاروبار سانگے کھلیا اے اتے تساڈی سرمایہ کاری دی قدرکریندے اتے منافع کماونڑ دا بہترین ریکارڈ اے۔
وزیراعظم شاہد خاقان عباسی دی ترکی دے غیر ملکی اقتصادی تعلقات بورڈ نال ملاقات اچ گالھ مہاڑ
مضمون کا ماخذ : loteria instantânea
متعلقہ مضامین
