اسلام آباد ۔ 11 مئی (اے پی پی) وزیر داخلہ چوہدری نثار علی خان آکھے جو سول ملٹری تعلقات کو ں ساری دنیا اچ حساس معاملہ سمجھا ویندے ، ایندے اُتے تماشا لاونڑاں چاہیدے اتے نہ ہی سیاست کیتی ونجنڑیں چاہید ی ہے، اے معاملہ ہنڑ مُک گئے، ایندے اُتے بیان بازی حیران کن اتے پریشان کن ہے ۔ اساکوں اگوں ودھنڑاں چاہیدے ، ڈان لیکس دے معاملے اُتے نہ تاں کئی تلخی ہئی نہ ناراضگی، اختلاف رائے صرف طریقہ کار اُتے ہئی جیکوں مکا ڈتا گئے ، سول ملٹری تنائو پیدا کرنڑاں پاکستان دشمناں دا ایجنڈا ہے، ہم آہنگی اتے رابطیاں دی جتنی لوڑ اج ہے پہلے کڈاہیں کائناں ہئی ۔ خمیس کوں اتھاں پریس کانفرنس نال الیندے ہوئیں وزیر داخلہ چوہدری نثار علی خان ڈان لیکس بارے صحافیاں دے سوالیں دا جواب ڈیندے ہوئیں آکھیا جو ڈان لیکس اتنا وڈا مسئلہ کائنا ہئی جتنا وڈا ایں کوں بنڑاڈتا گئے ۔ حکومت کوں کجھ لکاونڑاں ہونداں تاں پہلے ہک کمیٹی ، ولا وڈا کمیشن نہ بنڑایا ویندا ، جیند ے اچ سارے سانجھے دار موجود ہن ، اے سارے عزت دار اتے سینئر لوک ہن ، سول ملٹری تعلقات دا تماشا نہیں لاونڑاں چاہید ا، اے حساس معاملہ ہے اتے ساری دنیا اچ ایں کوں حساس نوعیت دا معاملہ سمجھا ویندے ۔انہاں آکھیا جو جیکر ڈان لیکس اچ حکومت کہیں بندے یا گروپ کوں بچاونڑاں ہونداں تاں حکومت تحقیقات کیتے کمیٹیاں نہ بنڑیندی ۔ ڈان لیکس اُتے جیہڑی رپورٹ بنڑ ی اے او متفقہ رپورٹ ہئی ۔
ڈان لیکس دے معاملے اُتے کئی نہ کئی تلخی ہئی نہ ناراضگی، چوہدری نثار علی خان
مضمون کا ماخذ : estatisticas para ganhar na loteria
متعلقہ مضامین
