کراچی11- ستمبر(اے پی پی ) سندھ دے معروف سرجن ڈاکٹر مرلی دھر آکھیے پاکستان سودھے دنیا اچ صرف ݙو ملک ایجھے ہن جنھاں اچ پولیو حالی وی موجود اے ، افریقہ جیھے ملکاں توں پولیو مکاݙتا ڳئے ، گلوبل پولیو ایریڈیکیشن انیشیٹو دے تحت ہݨ تئیں ڈھائی ارب ٻالاں کوں پولیو توں بچاوݨ دے قطرے پلائے ڳئن۔ وائلڈ پولیو دے ھک کیس دی موجودگی اچ وی مریضاں دی تعداد ودھݨ دا خطرہ برقرار رہسی ، اساکوں اے مرض مکاوݨ سانڳے سنجیدہ تھیوݨا ہوسی۔ اے پی پی نال ڳالھ کریندے ڈاکٹر مرلی دھر آکھیے 1994 توں پاکستان اچ پولیو مکاوݨ دا پروگرام 339,521 تربیت یافتہ اہلکاراں دی نگرانی اچ جاری اے جیڑھا دنیا دا ساریں توں وݙا پولیو مکاوݨ دا پروگرام اے ، جیں اچ پاکستان تے دنیا دے نامور ماہر وبائی ام??اض شامل ہن۔ پاکستان اچ 1990اچ پولیو دے 20 ہزار مریض ݙٹھے ڳئے ۔ اڄوکے سال پاکستان اچ پولیو دے 14 مریض ݙٹھے ڳئن جنھاں اچ بلوچستان توں 11، سندھ توں 2 اتے پنجاب دا ھک مریض شامل اے ۔ سندھ دے ݙو مریضاں اچوں ھک دا تعلق شکارپور اتے ݙوجھے دا کراچی کیماڑی توں اے ، بلوچستان دے 11 مریضاں اچوں 5 دا تعلق قلعہ عبداللہ توں اے ۔ نیشنل انسٹی ٹیوٹ آف ہیلتھ فار پولیو ایریڈیکیشن نال جڑی لیبارٹری موجب یونین کونسل صدر مسلم باغ قلعہ توں تعلق رکھݨ آلا 20 مہینے دا ٻال ایں مرض توں جاں بحق تھئے ۔ 2020 اچ پولیو دے 26 کیسز بلوچستان، 22 سندھ ، 22خیبرپختونخوا توں جݙاں جو 14 کیسز پنجاب توں رپورٹ تھئن۔ 2022 اچ پولیو دے 20 کیسز سامݨے آئے جنھاں دا تعلق خیبرپختونخوا توں ہئی ، 2023 اچ کل 6 مریض سامݨے آئے جنھاں اچوں 4 دا تعلق خیبرپختونخوا اتے 2 دا سندھ توں ہئی ۔ ڈاکٹر مرلی دھر آکھیے وائلڈ پولیو دے ھک کیس دی موجودگی اچ وی مریضاں دی تعداد اچ ودھارے دا خطرہ برقرار رہسی ، ایں مرض دی موجودگی ثابت کریندی اے جو ٻالاں کوں ویکسین ݙیوݨ اچ کوتاہی تھئی اے ۔ اتے ایں تناظر اچ پولیو مکاوݨ بارے وزیر اعظم دی فوکل پرسن عائشہ رضا فاروق وی بلوچستان اچ پولیو دے سامݨے آوݨ آلے کیساں تے تشویش دا اظہار کیتے، انھاں آکھیے گلوبل پولیو ایریڈیکیشن انیشیٹو (جی پی ای آئی) 1988اچ بݨایا ڳیا ہئی ۔ ایں پروگرام دے شروع توں ہݨ تئیں ڈھائی ارب ٻالاں کوں پولیو توں بچاوݨ دے قطرے پلائے ڳئن ، جیں اچ 200 ملکاں تے 20 ملین رضاکاراں حصہ ڳھدے ۔ ڈاکٹر مرلی آکھیے جنگلی وائرس اساں سودھے صرف ݙو ملکاں اچ موجود اے اتے اساں سانڳے فکر دی ڳالھ اے جو 2000 اچ مغربی بحرالکاہل دے خطے، 2002 اچ یورپی خطے، 2014 اچ جنوب مشرقی ایشیا دے خطے ، یعنی انڈونیشیا توں گھن تے ہندوستان تئیں، 11 ملکاں کوں پولیو توں پاک قرارݙتا ڳیا، انھاں آکھیے 2020 اچ افریق?? پولیو توں پاک تھیوݨ آلا پنجواں خطہ بݨ ڳیا۔ انھاں مزید آکھیے 20 ملین توں ودھ ٻال جنہاں کوں ویکیسن پلائی ڳئی ہئی معذوری توں بچ ڳئن تے او آپݨے قدماں تے ٹرپئے، اساکوں پاکستان توں پولیو مکاوݨ سانڳے سنجیدہ تھیوݨا پوسی۔
معروف سرجن ڈاکٹر مُرلی دھر دی اے پی پی نال پولیو بارے خصوصی ڳالھ مہاڑ
مضمون کا ماخذ : aplicativos de apostas loteria
متعلقہ مضامین
