ایں مالی سال اقتصادی شرح نمو5.8فیصد،زرعی شعبہ دی ترقی دی شرح نمو3.8، مینوفیکچرنگ دے شعبہ دی شرح نمو 5.8 ، خدمات دے شعبہ دی شرح نمو 6.4 اتے وڈے صنعتی اداریاں دے شعباں دی شرح نمو6.25فیصد رہی،افراط زر دی شرح 3.8فیصد گھٹ تھئی،بجٹ خسارہ 8.2فیصد توں 5.5فیصد تئیں گھٹ تھیا،ٹیکس محصولات دی وصولی 3900ارب توں ودھ رہی
اسلام آباد ۔ 26 اپریل (اے پی پی) وفاقی حکومت ایں مالی سال دی معاشی کارکردگی بارے اقتصادی سروے 2017-18ءجاری کر ڈتے جئیں دے تحت ایں مالی سال اقتصادی شرح نمو5.8فیصد،زرعی شعبہ دی ترقی دی شرح نمو3.8، مینوفیکچرنگ دے شعبہ دی شرح نمو 5.8 ، خدمات دے شعبہ دی شرح نمو 6.4 اتے وڈے صنعتی اداریاں دے شعباں دی شرح نمو6.25فیصد رہی،افراط زر دی شرح 3.8فیصد گھٹ تھئی،بجٹ خسارہ 8.2فیصد توں 5.5فیصد تئیں گھٹ تھیا،ٹیکس محصولات دی وصولی 3900ارب توں ودھ رہی اے۔خمیس کوں وزیر اعظم دے مشیر خزانہ ڈاکٹر مفتاح اسماعیل اتے وفاقی وزیر منصوبہ بندی تے ترقی احسن اقبال ’ پرہجوم پریس کانفرنس اچ اقتصادی جائزہ جاری کیتا۔ایں موقع تے وفاقی وزیر و معاون خصوصی برائے محصولات ہارون اختر، وزیر مملکت برائے خزانہ رانا محمد افضل اتے متعلقہ اعلیٰ افسروی موجود ہن۔ وفاقی وزیر برائے منصوبہ بندی، ترقی و اصلاحات احسن اقبال آکھیا جو 2013ءاچ ریاست اتے معیشت بحران دا شکار ہئی ،ملک چ بے روزگاری عروج تے ہئی،2008ءتوں گھن کراہیں 2012ءتئیں قومی معیشت دی شرح نمو اوسطاً2.5توں 3فیصد رہی،قومی معیشت بحران پاروں تنزلی دا شکار ہئی ،ملک دا معاشی حب کراچی بھتہ خوراں دے ہتھ اچ ہئی ،مسلم لیگ(ن) پنج سالیں اچ سرکاری شعبہ دے ترقیاتی پروگرام کوں 300ارب توں ودھا کراہیں ہک ارب روپے کیتا جیڑھا جو اساڈے ترقیاتی ایجنڈے دا حصہ اے،اعلیٰ تعلیم دا بجٹ 13ارب روپے توں 47ارب روپے تئیں ودھای گئیا،مختلف اقدامات پاروں ملک اچ 11ہزار میگاواٹ بجلی پیدا تھئی۔
وفاقی حکومت ایں مالی سال دی معاشی کارکردگی بارے اقتصادی سروے 2017-18ءجاری کر ڈتا
مضمون کا ماخذ : آن لائن لاٹری ٹکٹ
متعلقہ مضامین
