اسلام آباد۔30مئی (اے پی پی) وزیراعظم عمران خان آکھیا جو اپوزیشن کہیں نظریے سانڳے نی بلکہ آپݨی کرپ??ن بچاوݨ سانڳے کٹھی ت??ئی اے، آپݨے خلاف کرپشن دے مقدمے ختم کراوݨ سانڳے بلیک میل کریندے پئن، انہاں دا خیال ہئی جو حکومت ایں معاشی بحران توں کائنا نکل سڳسی جیڑھی اے چھوڑ تے ڳئے اتے بڈ ویسی، اس??ں اوکھے ویلھے توں نکل آیوں، سارے اقتصادی اشاریے مثبت نشاندہی کریندے پئن، ملک معاشی طور اڳوں ودھدا پئے، اے ڳالھیں انہ??ں اتوار کوں ”آپ کا وزیراعظم آپ کے ساتھ“ پروگرام اچ شہریاں ولوں ٹیلی ف??ن تے پچھے ڳئے سوالاں دا جواب ݙیندیں ہوئیں آکھی۔ وزیراعظم آکھیا جو حکومت سنبھالی تاں ملک کوں اوکھی صورتحال دا سامݨا ہئی، حکومت کوں اتنا وݙا خسارہ کائنا ہئی جتنا قرضے دا بوجھ ورثے اچ ملیا ہئی، اساکوں ملک وی چلاوݨا ہئی اتے قرضے دی قسطاں وی ݙیوݨی ہن، میں پہلے ݙینھ ای قوم کوں آکھیا ہئی جو اساکوں اوکھی صورتحال توں گزرݨا پمسی کیونجو اساں دیوالیہ تھیوݨ آلے ہاسے۔ وزیراعظم آکھیا جو اپوزیشن کوں چار فیصد گروتھ ریٹ دی کوئی امید کائنا ہئی، آزاد ماہرین دا خیال اے جو اے چار فیصد توں وی اتے ویسے۔ وزیراعظم آکھیا جو مہانگ،بے روزگاری عام بندے دی ݙو وݙی اوکھ اے، معیشت ٹر ??ئی اے، صنعتاں ترقی کریندیاں پئن، ایں نال غریبی گھٹ تھیسی اتے روزگار دے موقع ملسن۔ ہک سوال دے جواب اچ وزیراعظم آکھیا جو بھارت نال تعلقات کوں اوں ویلھے تئیں معمول تے نی آندا ونڄ سڳدا جڈاں تئیں بھارت پنڄ اگست دے آپݨے اقدام کوں واپسی نی ڳھندا۔ اگر اساں کشمیر کوں نظر انداز کر تے بھارت نال تعلقات معمول تے گھن امدوں ت??ں اے کشمیر دی عوام نال ٻہوں وݙی غداری ہوسی۔ انہاں آکھیا جو فلسطین دے مسئلے دا حل فلسطینیاں کوں انہاں دا حق ݙیوݨ ات ݙو ریاستاں بݨاوݨ اے۔
وزیراعظم عمران خان دا ”آپ کا وزیراعظم آپ کے ساتھ“ پروگرام اچ شہریاں ولوں ٹیلی فون تے پچھے ڳئے سوالاں دا جواب
مضمون کا ماخذ : لاٹری کے نتائج
متعلقہ مضامین
