قومی سلامتی کمیٹی دا اجلاس‘ کشمیریاں دے حق خودارادیت کوں دباونڑ کیتے بھارتی اقدامات دی شدید مذمت،پاکستان بھارت دی کہیں وی مہم جوئی دا دفاع کرنڑ کوں تیار اے

اسلام آباد ۔ 4 اگست (اے پی پی)قومی سلامتی کمیٹی مقبوضہ جموں اتے کشمیر اچ کشمیریاں دے حق خودارادیت کوں دباونڑ کیتے بھارتی اقدامات دی شدید مذمت کریندے ہوئے اے عزم دوہرائے جو پاکستان مقبوضہ جموں وکشمیر دے بہادر عوام دی مکمل حمایت جاری رکھیسی،جموں وکشمیر دا تنازعہ تیکھے حل کرنڑ دی لوڑھ اے،پاکستان بھارت دی کہیں وی مہم جوئی دا دفاع کرنڑ کوں تیار اے،کشمیر دی حمایت توں پچھو نہ ہٹسوں ،قوم دی مکمل حمایت نال بھارت دی کہیں وی جارحیت اتے مہم جوئی دا بھرپور جواب ڈیونڑ کیتے تیار ہیں جڈاں جو وزیراعظم عمران خان عالمی برادری تے زور ڈتے جو بھارت بین الاقوامی ذمہ داریاں اتے انسانی حقوق دیان سنگین خلاف ورزیاں کرینداپئے،بھارت دا غرور و تکبرخطے اچ تنازعہ دی شدت ودھاونڑدی وجہ بنڑسی،عالمی برادری فوری نوٹس گھنے۔ قومی سلامتی کمیٹی دا اجلاس وزیراعظم عمران خان دے زیرصدارت تھئے جیندے اچ مقبوضہ کشمیر اچ امن و امان دی تیزی نال وگڑدی صورتحال اتے بھارت دے جارحانہ اقدامات دا جائزہ گھدا گئے ۔اجلاس اچ وزیر دفاع پرویز خٹک، وفاقی وزیر برائے امور کشمیر و گلگت بلتستان علی امین خان گنڈاپور،وزیر داخلہ بریگیڈئر(ر) اعجاز شاہ، چیئرمین جوائنٹ چیفس آف سٹاف کمیٹی،بری، بحری اتے فضائیہ افواج دے سربراہان، وزیراعظم آزاد کشمیر، وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان، ڈائریکٹر جنرل آئی ایس آئی، ڈائریکٹر جنرل آئی ایس پی آر، سیکرٹری خارجہ، سیکرٹری امور کشمیر و گلگت بلتستان اتے سیکرٹری قومی سلامتی ڈویژن شرکت کیتی۔ اجلاس کوں مقبوضہ جموں و کشمیر دے عوام دے خلاف جبر و استحصال اتے اتھاں قابل افسوس صورتحال، مقبوضہ کشمیر اچ زمینی حقائق دے برخلاف سیاسی مقاصد کےتے دہشتگردی دے استعمال، پاکستان کوں مشتعل کرنڑ کیتے نہتے شہریاں تے کلسٹربم مارنڑ،آبادی دے تناسب کوں وگاڑن اتے مقبوضہ جموں و کشمیردی متنازعہ حیثیت بارے ابہام پیدا کرنڑ کیتے بھارت ولوں حقائق لکاونڑ اتے غلط اطلاعات ڈیونڑ بارے بریفنگ ڈتی گئی۔ قومی سلامتی کمیٹی بھارت ولوں مشکوک و مشتبہ ذرائع نال عدم استحکام دیاں کوششاں تے تشویش کیتی اے۔قومی سلامتی کمیٹی اینجھے ویلھے جڈاں پاکستان بین الاقوامی برادری نال رل تے افغان تنازع دے حل تے توجہ ڈیندا پئے،بھارت دی جارحانہ حکمت عملی دی شدید مذمت کیتی اتے ا ٓکھیا جو عالمی دباو ودھنڑ دے نال نال بھارت مایوسی توں نکلنڑ کیتے غیر انسانی اقدامات کریندا پئے، پاکستان بھارت دی کہیں وی جارحیت دا جواب ڈیونڑ کیتے تیار اے،عالمی برادری دے اینجھے اقدامات دا نوٹس گھنے جیندے نال علاقائی اتے بین الاقوامی امن خراب تھیونڑ دا اندیشہ ہووے۔ایں موقع تے وزیراعظم عمران خان آکھیے جو پاکستان ہمیشہ آلی کار کشمیری عوام دا ہتھ ونڈیسی اتے اقوام متحدہ دی قرارداداں اتے کشمیری عوام دی خواہشات و امنگاں دے مطابق انہاں دے منصفانہ موقف دی حمایت توں پچھو نہ ہٹسی ۔ انہاں عالمی رہنماواں اتے بین الاقوامی اداریاں کوںا ٓکھیا جو او بھارتی قیادت دے غیرذمہ دارانہ، یکطرفہ اتے غیرمنطقی طرز عمل دا نوٹس گھنتے،بھارت کوں مقبوضہ علاقیاں اچ رہنڑ آلے لوکاںس ودھے شہریاں دے حقوق دے تحفظ اتے اقوام متحدہ دی سلامتی کونسل نال وعدیاں کوں یقینی بنڑاونڑ اہوسی۔