اسلام آباد۔17ستمبر(اے پی پی)وفاقی وزیر داخلہ محسن نقوی عید میلاد النبی ﷺ تے پوری قوم اتے امت مسلمہ کوں مبارک ݙیندے آکھیے جو اللہ تعالیٰ ساکون حضور نبی اکرم صلی اللہ علیہ وآلہ وسلم دی شکل اچ ہک عظیم نعمت نال نوازیے ڄیڑھے پوری کائنات کیتے باعث رحمت ہین، جیندے بہترین اوصاف اتے اقدار امت اتے ڄڳ کیتے سوڄھلا ہین۔ حضور نبی اکرم صلی اللہ علیہ وآلہ وسلم دی تعلیمات ساݙے کیتے بہترین نمونہ ہین جیندی آمد ڄڳ کوں روشن کیتے اتے بے سہارا لوکاں کوں پناہ ݙتی، سارے مسلماناں دی کامیابی دی کنجی رسول اللہ صلی اللہ علیہ وسلم دی تعلیمات تے ٹرݨ تے ہے، امت مسلمہ دے مسلیاں دا حل وی سیرت النبیؐ اچ اے۔ انہاں دعا کیتی جو اللہ تعالیٰ ساکوں حضور نبی اکرم صلی اللہ علیہ وآلہ وسلم دی تعلیمات تے اصل اچ عمل کرݨ دی توفیق ݙیوے اتے اپک وطن کوں امن دا تھمبا ٻݨاوے۔
مضمون کا ماخذ : مصر کی میراث
