اسلام آباد 27 جون (اے پي پي)وزيراعظم شهباز شريف وئېلي ديپه شتمندو كسانو ډائرېكټ ټېكس د حكومت انقلابي اقدام دے٬آئي اېم اېف سره به ډېره زر لوظنامه وشي٬پاكستان د ديواليه كېو څخه بچ شوے ٬اوس به د پرمختګ او خوشحالۍ په لاره روان شي٬د افغانستان نه د سكرو راغوښتو سره به هر كال دوه ارب ډالره بچ كېږي٬هېواد د خوراكي تېلو د بحران څخه بچ شوے٬ تېر حكومت چې كله ګېس ارزان ؤ نو هغوي ؤ اغستے ٬اوس د تېل او د ګېس بيعې په نړيواله كچه ډېرې زياتې شوي او ګېس نايابه شوے ۔ده د دې خيالاتو څرګندونه د ګل په ورځ د مسلم ليګ(ن)او اتحادي ګوندونو د قامي اسمبلۍ غړو ته د وېنا كولو په مهال كړې۔وزيراعظم شهباز شريف ووئيل مونږ احساس لرو چې اولس ګرانۍ سره مخ دے٬د ګرانۍ اثر كمولو لپاره په بجټ كښې عام وګړي ته ته د بېنظيرانكم سپورټ پروګرام له مخې رېليف وركړے شوے ٬حكومت د شمسي توان په اړه ډېر زر پروګرام راوړي۔ده ووئيل په پاكستان كښې په وړومبي ځل په شتمندو كومو ته چې لوي څښتن بې شمېره نعمتونه وركړي ډائرېكټ ټېكس لګولے شوے كومو څخه چې به 200 اربه روپو څخه زياتېراجمع كېدې شي ٬ ده ووئېل تېر حكومت د دې ټېكس لګولو همت نه لرلو او هغوي د بدلون او نوي پاكستان خبره كوله٬مونږ چې كوم اقدامات كوو٬دا د قائداعظم محمد علي جناح پاكستان د فلاحي رياست جوړولو وژن له مخې دي ۔وزيراعظم ووئيل د ډائرېكټ ټېكس څخه به چيني٬سټيل او ټېكسټائل صنعتونه متاثره نه شي٬دا ټېكس د بېلو څانګو مالكانو په آمدن لګولے شوے۔ده ووئيل كاروباري خلق چاته چې لوي څښتن بې شمېره نعمتونه وركړي هغوي دې د اولس حالت بدلولو لپاره راوړاندې شي۔وزيراعظم ووئيل تېر حكومت پاكستان ديواليه كېدو ته رسولے ؤ ٬اوس پاكستان د ديواليه كېدو څخه بچ شو٬دا د لوي څښتن كرم دے٬اتحادي مشرتابه د په مشاورت سره پاكستان د ديواليه كېدو څخه بچ كړے ۔وزيراعظم ووئيل آئي اېم اېف سره ډېره زر لوظ نامه كېدونكې ده۔وزيراعظم ووئيل په هېواد كښې د خوراكي تېلو لوي بحران راپېدا كېدونكے ؤ ٬پاكستان د دې څخه بچ شو٬د انډونېزيا صدر سره ما پخپله په ټېليفون خبر كړي او زمونږ وزير په خپله خرچه هلته تللے ٬ اوس انډونېزيا پاكستان ته د خوراك تېل وركوي۔وزيراعظم ووئيل په نړيواله كچه د تېل او ګېس بيعې ډېرې زياتې شوي او زمونږ لپاره ډېر مشكلات رامخې ته دي۔ده ووئيل شايد په جولائي كښې لوډشېډنګ زيات شي ولې چې ګيس نايابه دے۔پخواني حكومت د ارزان ګېس ترلاسه كېدو باوجود نه دے اخستے ٬كله چې په درې ډالره ګېس ترلاسه كېدو نو هغوي نه ؤ اخستے او چې تر ډېرې مودې لپاره په پنځه شپږ ډالر راتللے شو نو بيا يې هم نه دے اخستے۔ده ووئيل پاكستان د سكرو په درآمد په اربونو ډالر خرڅ كوي٬د افغانستان څخه د سكرو درآمد كولو لپاره د خواجه محمد آصف په مشرۍ كښې كمېټي جوړه كړې شوې كومه چې تر دريو اوونيو شپه ورځ محنت سره خپل مقصد كښې كاميابه شوې۔د افغانستان څخه د طورخم او نورو لارو د لارې د سكرو راوړلو منصوبه بندي شوې٬وړاندې به دا سكاره د سوئېلي افريقې څخه په اربونو ډالرو راتلل٬اوس به هم د دې معيار سكاره د افغانستان څخه راوړو٬ ده ووئېل د جولائي نه به د دې ترسيل پیل شي او د دې ادائيګي به په روپو كښې كولې شي٬دا سكاره به په نيمه بيعه ترلاسه كېږي او د دې څخه به هر كال 2 اربه ډالره بچ كېږي۔وزيراعظم ووئيل پاكستان د څلورو اربو ډالرو د خوراك تېل درآمد كوي۔وزيراعظم ووئيل حكومت د ډېرو سختو پړاونو څخه تېرېږي كوم كار چې مونږ كوو دا آسان نه دے او د دې نتيجو راتللو كښې به لږ وخت لګي خو په ګډه به د مسئلو مقابله كوو٬په ستونزو به قابو ومومو او شپه او ورځ په محنت به د لوي څښتن په مرسته او نصرت سره د پرمختګ او خوشحالۍ سفر روان شو او د سختو حالاتو څخه به اوځو۔وزيراعظم شهباز شريف ووئيل د افغانستان څخه به د سكرو ترسيل رو په رو زيات شي او دې سره به زمونږ ټرانسپورټ او رېلوے هم وچلېږي۔وزيراعظم دا باور څرګند كړو چې اتحادي حكومت به په 14 مياشتو كښې بدلون راولي۔
په شتمندو ډائرېكټ ټېكس د حكومت انقلابي اقدام دے٬آئي اېم اېف سره به ډېره زر لوظنامه وشي۔د وزيراعظم محمد شهباز شريف د مسلم ليګ(ن)او اتحادي ګوندونو د قامي اسمبلۍ غړو ته خطاب
مضمون کا ماخذ : را کی کتاب
متعلقہ مضامین
