اسلام آباد ۔ 09مئی (اے پی پی) وزیراعظم دی معاون خصوصی ڈاکٹر ثانیہ نشتراسلام آباد دے علاقے بری امام اچ ویس وٹا تے چٹابرقعہ پا تے احساس ایمرجنسی کیش سنٹر دا ابڑغت دورہ کیتے۔انہاں اتھاں لوکاں دے مسلے وی سنڑین۔انہاں مرکز تے کیتے گئے انتظامات دا جائزہ گھدے اتے مرکز تے آئے مستحق تریمتیں جواناں نال گالھ مہاڑ کیتی۔ انہاں مرکز تے کرونا توں بچاو کیتے انتظامات وی ڈٹھے۔ایں موقع تے ثانیہ نشتر دا آکھنڑ ہا جو صارفین کوں سوکھ ڈیونڑ کیتے نادرا دے دفتر چار مئی توں کھول ڈتے گین جڈاں جو اموات دے اندراج کیتے پنجھاہ روپے فیس وی معاف کر ڈتی گئی اے،احساس ایمرجنسی کیش سنٹراں تے امدادی رقم مستحقین کوں بغیر کہیں وانجھ دے کرونا دی صورتحال دے اثرات مکنڑ تئیں ڈتی ویندی راہسی۔
مضمون کا ماخذ : ٹکی انماد
