اسلام آباد ۔ 26 دسمبر (اے پی پی) وزیر اعظم عمران خان خدشہ ظاہر کریندے ہوئے چتائے جو بھارت اپنڑے داخلی مسلیاں اتے انتشار دی صورتحال توں توجہ ہٹاونڑ کیتے آزاد کشمیر اچ کوئی وی حرکت کر سگدے بھل پاکستان کہیں وی بھارتی جارحیت دا ولدا ڈیونڑ کیتے تیار اے،میڈا ایمان اے جو صرف مسلمان ہی نئیں،ہندو سکھ اتے عیسائی سودھا سارے ہندوستان دے لوک مودی دے خلاف اٹھ کھرسن،اے ظلم دا نظام آپ ہندوستان دے لوک ہی مکیسن، ایندے کیتے پاکستان کوں کجھ کرنڑ دی لوڑھ نہ پوسی،2019 ملک کوں تکڑا کرنڑدا سال ہا ، 2020ترقی اتے نوکریاں ڈیونڑداسال ہوسی، آندا سال کرپٹ نظام توں فیدہ چاونڑ آلیاں کیتے اوکھا ثابت تھیسی ۔اے گالھ انہاں پنڈ دادن خان اچ جلال پور نہردی افتتاحی تقریب نال خطاب کریندے آکھی۔ انہاں وزیراعلیٰ پنجاب عثمان بزدار کوں منصوبے دی مبارک ڈیندے ہوئے آکھیے جو نہر آونڑ نال جہلم، پنڈ دادن خان اتے خوشاب سودھے بئے علاقیاں دی حالت بدل ویسی،اے منصوبہ 120سال پہلے شروع تھیونڑاہاجیڑھا ہنر علاقے اتے لوکاں دالیکھ بدل ڈیسی۔وزیراعظم لائن آف کنٹرول تے بھارتی اشتعال انگیزی دی مذمت کریندے ہوئے پاک فوج دی شہید جواناں دی قربانی کوں خراج عقیدت پیش کیتا اتے آکھیا جو کارروائیاں ایویں نئیں تھیندیاں پیاں،بھارت کشمیر دی صورتحال اتے اپنڑے اندرو مسلماناں دے خلاف قانون دی منظوری توں بعد دے حالات توں توجہ ہٹاونڑ کیتے آزاد کشمیر اچ کوئی وی حرکت کرسگدے جیندے تے آرمی چیف نال الائے اتے انہاں واضح کیتے جو پاکستان بھارتی جارحیت دازوردار ولدا ڈیونڑ کیتے تیار اے۔وزیراعظم آکھیے جو میکوں یقین اے جو بھارت اچ ہندو، سکھ،مسلمان، عیسائی اتے ساریاں اقلیتاں مودی دے خلاف اٹھ کھڑسن اتے ایں ظلم دے نظام کوں آپ مکیسن،پاکستان کوں کجھ وی کرنڑ دی لوڑھ نہ پوسی۔ وزیراعظم ملکی حالات بارے آکھیا جو ساڈا گھدا گیا ٹیکس پہلے سال ہی پچھلا قرض لہاونڑ اچ خرچیج گئے جیندے بعد پچھو ادھا پیسہ آن بچیے،مالی خسارہ انجھ ہا،منی لانڈرنگ ملک دا بیڑا بوڑیا ہویا ہا،اللہ دا شکر اے جو ہنرروپے دی قدر تکڑی تھیندی پئی اے، 2019 ملک کوں تکڑا کرنڑدا سال ہا بھل 2020ترقی اتے نوکریاں دا سال ہوسی،اتے آندا سال کرپٹ نظام توں فیدہ چاونڑ آلیاں کیتے اوکھا ثابت تھیسی۔
پاکستان ہر چیلنج نال نبڑن کیتے تیار اے، ظلم دے نظام تے سارے ہندوستان دے لوک مودی دے خلاف اٹھ کھڑسن، آندا سال ترقی اتے نوکریاں ڈیونڑداسال ہوسی، وزیراعظم داپنڈ دادن خان اچ جلال پور نہردی افتتاحی تقریب نال خطاب
مضمون کا ماخذ : پاور بال کے اعدادوشمار
متعلقہ مضامین
