اسلام آباد۔22نومبر(اے پی پی) وزیراعظم محمد شہباز شریف انفارمیشن ٹی??نالوجی برآمدات کوں 25 ارب ڈالر تئیں پڄاوݨ سانڳے لائحہ عمل دی تعریف کریندے ہدایت کیتی جو ہائر ایجوکیشن کمیشن نینگراں کوں بین الاقوامی معیار دی تعلیم و تربیت ݙیوݨ سانڳے لائحہ عمل تیار کرے اتے سارے متعلقہ ادارے ایں حوالے نا?? رل تے کم کرن ۔ وزیراعظم دفتر دے میڈیا ونگ توں جاری بیان موجب اے ڳالھ وزیراعظم آپݨی صدارت اچ آئی ٹی شعبے دی اصلاحات تے جائزہ اجلاس اچ آکھی ۔اجلاس اچ وفاقی وزیر اقتصادی امور احد خان چیمہ، وزیرِ مملکت انفارمیشن ٹی??نالوجی شزہ فاط??ہ خواجہ اتے متعلقہ اعلیٰ حکام شرکت کیتی۔اجلاس کوں آئی ٹی شعبے دی برآمدات 25 ارب ڈالر تئیں پڄاوݨ سانڳے ہر شعبے دی استعداد دا ݙسایا ڳئے ۔ وزیرِ اعظم دی آئی ٹی شعبے کوں ترجیح بݨاوݨ دے ویژن دے نتیجے اچ گزریل چار م??ینے اچ آئی ٹی شعبے دی برآمدات اچ 34 فیصد ودھارا تھئے ۔ اجلاس کوں ݙسایا ڳئے ای گورننس دے حوالے نا?? پاکستان عالمی رینکنگ اچ 14 درجے بہتر تھئے، 2500 نویاں آئی کمپنیاں رجسٹر تھئن جݙاں جو پاکستان دی آئی ٹی رینکنگ 79 توں بہتر تھی تے 40 تھی ڳئی اے ۔ اجلاس کوں ݙسایا ڳئے آندے پنج سال اچ آئی ٹی شعبے دی برآمدات دے حوالے نا?? 15 ارب ڈالر، ٹیلی کام برآمدات توں 1 ارب ڈالر جݙاں جو ڈیجیٹائیزیشن توں 10 ارب ڈالر گھنݨ دا ہدفت رکھیا ڳئے ۔ اجلاس کوں آئی ٹی شعبے دی برآمدات دی موجودہ صورتحال دا ݙسایا ڳئے ، مجوزہ لیبر م??نجمنٹ سسٹم تے وی بریفنگ ݙتی ڳئی جیں دے تحت صنعتاں توں طلب دا ڈیٹ?? استعمال کرݨ دے بعد تعلیمی اداریں دے تعاون نا?? افرادی قوت دی استعداد ودھا تے روزگار ݙیوݨ یقینی بݨایا ویسی ۔ اجلاس کوں آئی ٹی شعبے اچ کم کرݨ آلے نینگراں بالخصوص فری لانسرز کوں ترسیلات زر اچ سہولت سانڳے مجوزہ منصوبے دے حوالے نا?? ݙسایا ڳئے ۔ وزیراعظم آکھیے پاکستان کنے باصلاحیت افرادی قوت اتے وسائل گھٹ کائنی ۔ وسائل دے چنڳے استعمال اتے افرادی قوت کوں تعلیم و تربیت دے ذریعے پاکستان دی آئی ٹی برآمدات 25 ارب ڈالرتوں وی ودھ سڳدن ۔وزیراعظم ہدایت کیتی جو آئی ٹی شعبے دی اصلاحات دا پیش کیتا ڳیا لائحہ عمل بہترین اے، ہݨ ایں تے عملدرآمد یقینی بݨاؤ۔ آئی ٹی برآمدات اچ ودھارے سانڳے پیش کیتیاں ڳیاں اصلاحات دے رستے اچ چیلنجز نا?? نبݨݨ سانڳے سارے ادارے رل تے تعاون کرن ۔وزیراعظم آکھیے آئی ٹی شعبے دی اصلاحات تے عملدرآمد دی میں خود نگرانی کریساں ۔وزیراعظم ہدایت کیتی جو پاکستانی نینگراں کوں بین الاقوامی معیار کدی تعلیم و تربیت اتے ہنر ݙیوݨ سانڳے ہائر ایجوکیشن کمیشن ھک لائحہ عمل تیار کرے۔پاکستانی آئی ٹی ماہرین دی خلیجی ملکاں اچ طلب موجود اے، ایں حوالے نا?? وی تجویزاں تے عمل کیتا ونڄے وزیرِاعظم آئی ٹی برآمدات ودھاوݨ سانڳے واضح اہداف وضع کرݨ تے ہر اقدام دے حوالے نا?? مدت دے تعین دی ہدایت کیتی۔ وزیرِاعظم آئی ٹی شعبے دی اصلاحات دے نفاذ اتے مختلف اداریں نا?? تعاون دے ودھارے سانڳے کمیٹی بݨاوݨ دی ہدایت کیتی ۔وزیرِاعظم بین الاقوامی پیمنٹ گیٹ ویز دے حوالے نا?? ایں اقدام کوں چنڳاں قرار ݙیندے ایں تے وختی عمل درآمد دی ہدایات جاری کیتیاں ۔ اجلاس کوں ٹیلی کام شعبے دے حوالے نا?? اصلاحات دا وی ݙسایا ڳئے ۔وزیرِ اعظم آئی ٹی شعبے دی برآمدات اچ ودھارے دے لائحہ عمل تے اطمینان دا اظہار کیتے، وزیرِ مملکت انفارمیشن ٹی??نالوجی اتے انھاں دی ٹیم دیاں کوششاں دی تعریف کیتی ۔ وزیرِاعظم متعین مدت اچ ایں تے عمل کرݨ دی ہدایت وی جاری کیتی۔
ہائرایجوکیشن کمیشن نینگراں دی بین الاقوامی معیار دی تعلیم و تربیت سانڳے لائحہ عمل تیار کرے ، وزیراعظم شہبازشریف
مضمون کا ماخذ : جیتنے والی لاٹری
متعلقہ مضامین
