اسلام آباد۔28اکتوبر(اے پی پی) سپریم کورٹ آف پاکستان اچ چیف جسٹس ، جسٹس یحییٰ آفریدی دی صدارت اچ فل کورٹ میٹنگ منعقد تھئی جیں اچ سارے ج?? صاحبان شرکت کیتی جݙاں جو جسٹس منصور علی شاہ ویڈیو لنک دے ذریعے اجلاس اچ شریک تھئن ۔سپریم کورٹ دے شعبہ تعلقات عامہ ت??ں جاری پریس ریلیز م??جب اے اجلاس سپریم کورٹ دی کارکردگی دا جائزہ گھنݨ تے مقدمیں کوں نبیڑݨ سانڳے سݙیا ڳیا ہئی ۔اجلاس اچ کیسز دے بیک لاگ کوں گھٹ کرݨ تے عدالتی کارکردگی ودھاوݨ دے اقدامات تے توجہ ݙتی ڳئی ۔ رجسٹرار سپریم کورٹ کیس لوڈ دا ھک جائزہ ݙتا تے مقدمیں دے وختی فیصلے دے پاسے اقدامات دا جائزہ پیش کیتا ۔ انھاں تازہ ترین اعدادوشمار پیش کیتے۔ جنھاں توں ظاہر تھیندے جو ایں ویلھے59,191 مقدمے زیر التواء ہن تے جسٹس منصور علی شاہ دے تیار کیتے ڳئے مینجمنٹ پلان 2023 تے مبنی ھک مہینے دا نواں منصوبہ متعارف کرائے۔ ایں منصوبے اچ واضح معیارات دا تعین کرݨ،مختلف النوع مقدمیں کوں موثر طریقے نال منظم کرݨ سانڳے انفارمیشن ٹیکنالوجی دا استعمال شامل اے۔کیس مینجمنٹ پلان دا جائزہ گھندے ہوئیں ج?? صاحبان پلان دے اہداف کوں حاصل کرݨ سانڳےٻہوں حکمت عملیاں تے ڳالھ مہاڑ کیتی۔ماہانہ پلان م??جب فوجداری اتے دیوانی مقدمے خصوصی ݙو تے ترائے رکنی بنچز کوں مختص کیتے ڳئے ہن تاں جو کیس دے وختی توں وختی حل کوں یقینی بݨایا ونڄ سڳے۔ ایں موقع تے ج?? صاحبان نظام دی مزید بہتری سانڳے آپݨی آراء اتے سفارشات پیش کیتن۔ جسٹس سید منصور علی شاہ ویڈیو لنک دے ذریعے شرکت کریندے اضافی تجویزاں پیش کیتن جنہاں دا مقصد کیس دے بیک لاگ کوں گھٹ کرݨ تے ابتدائی طورتے ھک مہینے سانڳے طریقہ کار دی کارکردگی کوں چنڳاں بݨاوݨ اے اتے ایندے بعد ترائے تے چھی مہینے دے منصوبے شامل ہن ۔ چیف جسٹس جسٹس یحییٰ آفریدی سارے ججاں دا شکریہ ادا کیتے تے آکھیے او کیس مینجمنٹ پلان دے مکمل نفاذ نال مقررہ اہداف دے حصول سانڳے پرعزم ہن ۔ 2 دسمبر 2024 کوں طے شدہ فل کورٹ میٹنگ دے اگلے سیشن اچ پیشرفت دا جائزہ ڳھدا ویسی۔
