اسلام آباد۔15فروری (اے پی پی):وزیراعظم عمران خان آکھیے جو دنیا اچ اڳوں ودھݨ کیتے ٹیکنالوجی توں فیدہ چاوݨاں ہوسی ، 22 کروڑ آبادی کوں رسمی معیشت دا حصہ بݨا تے اثاثہ بݨایا ونڄ سڳدے۔ ، سمندر پار پاکستانیاں کیتے مزید آسانیاں پیدا کریسوں ، جیڑھے لوک ٹیکس نی ݙیندے انہاں تئیں پڄسوں ، حکومت اوکھے ویلھے معاشرے دے غریب طبقیں دی براہ راست مدد کریسی ، تلویں طبقے دے حالات بہتر بݨیسوں، ایہا ساݙی اصل کامیابی ہوسی، پوری دنیا اچ غربت ودھی لیکن پاکستان اچ گھٹ تھئی ۔ اے ڳال انہاں منڳل کوں ملک دے پہلے ڈیجیٹل پیمنٹ سسٹم “راست̶1; د??جراء کرݨ دی تقریب توں خطاب کریندے ہوئیں آکھی اے ۔ وزیراعظم آکھیے جو 22 ??روڑ دی آبادی کوں جے اساں رسمی معیشت دا حصہ بݨا گھنوں تان اینکوں ھک اثاثے اچ بدالیا ونڄ سڳدے ، دنیا اچ ٹیکنالوجی دے شعبے اچ جیڑھی جدت آندی پئی اے ایندے توں فیدہ نہ چیسوں تاں اے 22 کروڑ لوک ٻوجھ بݨ ویسن ۔ وزیراعظم آکھیے جو عام آدمی بینک اچ ویندے ہوئیں ݙردے ۔ بینکاں اچ وی سوٹ پاوݨ تے انگریزی بولݨ آلیں کوں اہمیت ݙتی ویندی اے ۔ “راست ” توں عام آدمی کوں سہولت ملسی ۔ انہاں آکھیے جو تلویں طبقے کوں اتے چاوݨ ہی حکومت دی اصل کامیابی اے ۔ خیبرپختونخوا اچ ساݙی حکومت آئی تاں اے صوبہ دہشت گردی داشکار ہئی ۔ 500 توں 700 پولیس اہلکار شہید تھی چکے ہن ایں صوبے اچ اساں جیڑھے اقدامات کیتے انہاں دی بدولت خیبرپختونخوا دے عوام جیڑھے جو ݙوجھی واری کہیں کوں موقع نی ݙیندے اساکوں ݙو تہائی اکثتریت توں ول منتخب کیتے۔ ایندی وجہ اے ہئی جو اقوام متحدہ دے ادارے یو این ڈی پی دے مطابق خیبر پختونخوا اچ غربت ساریں توں تکھے گھٹ تھئی ہئی ، ایں کیتے اتھاں دے عوام اساکوں ول منتخب کیتا۔ وزیراعظم آکھیے جو حکومت دے اختتام تے ساݙی کامیابی دا پیمانہ اے ہوسی جو ملک اچ غربت گھٹ تھئی یا کائنی تے خوشحالی دا ثمر تلے تئیں ڳے یا کائناں ۔ وزیراعظم آکھیے جو ورلڈ بینک دی رپورٹ دے مطابق دنیا اچ غربت ودھی لیکن پاکستان اچ قدرے کمی آئی ۔ انہاں آکھیے جو محنت کش اتے عام طبقے دے لوکاں کنے بینکاں اچ ونڄݨ د?? ویلھا نی ہوندا ۔ راست توں عام آدمی کوں آپݨے موبائل فون دے ذریعے وی بینکنگ دی سہولت حاصل ہوی تے سیونگ بہتر تھیسی ۔ وزیراعظم آکھیے جو پاکستان اچ ٹیکس ٹو جی ڈی پی ریشو گھٹ اے ایں سلسلے اچ اقدامات کیتے ویندے پئن ۔ ایف بی آر اچ وی ٹیکنالوجی دا استعمال کریسوں ۔ 22 کروڑ دی آبادی اچ صرف 20 لکھ لوک ٹیکس ݙیندن ۔ ایجھے لوک وی ہن جنہاں دا لائف سٹائل ٻہوں چنڳان اے تے گھراں اچ گاݙیاں کھڑن لیکن ھک روپیہ ٹیکس نی ݙیندے ۔ ہݨ اسان ٹیکنالوجی دا استعمال کریندے ہوئیں انہاں تئیں پڄ وی ویسوں تے انہاں توں ٹیکس وی گھنسوں ۔
دنیا اچ اڳوں ودھݨ کیتے ٹیکنالوجی توں فیدہ چاوݨاں ہوسی ، 22 کروڑ آبادی کوں رسمی معیشت دا حصہ بݨا تے اثاثہ بݨایا ونڄ سڳدے ، وزیراعظم عمران خان
مضمون کا ماخذ : عظیم البینی
متعلقہ مضامین
