بیجنگ ۔ 9 اکتوبر (اے پی پی) وزیراعظم عمران خان عوامی جمہوریہ چین دے وزیراعظم لی کی چیانگ دی دعوت تے 8 اتے 9 اکتوبر کوں چین دا دورہ کیتا۔ ??ورے دوران وزیراعظم چ??ن دے صدر شی جن پنگ، وزیراعظم لی کی چیانگ اتے نیشنل پیپلز کانگریس دی سٹینڈنگ کمیٹی دے چیئرمین لی ژان شو نال ملاقاتاں کیتیاں ۔ وزیراعظم عمران خان چین دے کاروباری رہنماواں نال وی ملاقاتاں کیتیاں۔ ڈوہائیں ملکاں دے رہنماواں سانجھی دلچسپی دے وسیع البنیاد ڈو طرفہ علاقائی اتے بین الاقوامی امور تے گالھ مہاڑ کیتی۔ بدھ کوں وزیراعظم عمران خان دے دورہ چین بارے جاری تھیونڑ آلے سانجھے اعلامیہ مطابق ملاقاتاں اچ روایتی گرمجوشی، سانجھے اتفاق رائے اتے سٹرٹیجک اعتماد دی بھرپور عکاسی نظر دی ہے۔ اصلاحات اتے چین کوں کاروبار سانگے کھولنڑ ترقی پذیر ملکاں کیتے ہک مثال ہے،چینی قوم اپنڑیں مثالی قیادت اچ قومی ترقی کوں حقیقت اچ بدل ڈتے،چین اتے پاکستان وچال پکی یاری اتے سٹرٹیجک پارٹنرشپ، نیڑے دے تعلقات ہن ،جنہاں دی مدد نال ڈوہائیں ملکاں اتے عوام دے بنیادی مفادات دے تحفظ اتے علا??ے اچ امن، استحکام اتے ترقی کوں یقینی بناونڑ اچ مدد ملی ہے، چین دا پاکستان دی علاقائی خود مختاری، آزادی اتے سلامتی دے تحفظ سانگے یکجہتی دا اعادہ ، پاکستان ولوں ون چائنہ پالیسی سانگے حمایت دے اپنڑے عزم دا اعادہ کیتا گیا، ہانگ کانگ دے معاملات چین دا اندرونی معاملہ ہے اتے سارے ملکاں کوں بین الاقوامی قنون اتے بئے ملکاں دے اندردے معاملات اچ عدم مداخلت دی بنیادی اقدار برقرار رکھنڑ چاہیدی ہے، ہک پرامن، مضبوط تعاون تے مبنی اتے خوشحال جنوبی ایشیاسارے فریقاں داسانجھا مفاد ہے ، فریقین کوں خطے اچ جھیڑے اتے مسائل مساوات اتے سانجھے احترام دی بنیاد تے مذاکرات دے ذریعے حل کرنڑ دی ضرورت ہے، مسئلہ کشمیر ہک پرانڑاں جھیڑا ہے اتے ا یہ اقوام متحدہ دے چارٹر، اقوام متحدہ دی سلامتی کونسل دی قرارداداں اتے ڈو طرفہ معاہداں دی بنیاد تے مناسب اتے پرامن طریقے نال حل تھیونڑ چاہیدے ،سی پیک ہک انقلابی منصوبہ ہے، سی پیک منصوبیں تے عملدرآمد دی نگرانی سانگے سی پیک اتھارٹی بنڑائی ہے، سی پیک دا ڈوجھا مرحلہ پاکستان اچ صنعتی، سماجی تے اقتصادی ترقی کوں ودھارا ملسی، خصوصی اقتصادی زونز اچ سرمایہ کاری اتے ایس ایم ای دے شعبہ اچ تعاون نال پاکستان دی صنعتی بنیاد کوں ودھاراملسی، بجلی، پٹرولیم، گیس، زراعت، صنعت اتے انفراسٹرکچر دے شعبیں اچ پاکستان ولوں نشاندہی کیتے گئے منصوبیں دی سانجھی سٹڈی تے اتفاق کیتے،چین پاکستان آزادانہ تجارت دے معاہدے دے ڈوجھے مرحلے تے تکھے عملدرآمد نال ڈوطرفہ تجارت کوں ودھاونڑاچ مدد ملسی،ڈوہائیں ملکاں ڈوطرفہ اقتصادی تے تجارتی تعاون دی متوازن تے پائیدار ترقی سانگے چین پاکستان مشترکہ اقتصادی تے تجارتی کمیشن توں مکمل طور تے فائدے گھنڑ تے اتفاق کیتے،افغانستان اچ امن اتے استحکام علاقائی سلامتی سانگے ناگزیر ہے ،سارے ملک دہشت گردی کوں مکاونڑ سانگے بین الاقوامی تعاون کوں مضبوط کرنڑ۔ دورے دوران وزیراعظم لی کی کیانگ اتے وزیراعظم عمران خان مختلف معاہداں اتے مفاہمت دی یادداشتاں تے وی دستخط کیتے۔ وزیراعظم عمران خان چنگی میزبانی اتے گرمجوشی نال استقبال کرنڑ تے چینی قیادت اتے عوام دا شکریہ ادا کیتا اتے چینی قیادت کوں مناسب تائم تے پاکستان دا دورہ کرنڑ دی دعوت ڈتی۔
وزیراعظم عمران خان داعوامی جمہوریہ چین دے دورے دا سانجھا اعلامیہ جاری
مضمون کا ماخذ : اولمپس کا عروج
متعلقہ مضامین
