اسلام آباد 03مئی (اے پی پی) اولس مشر ممنون حسېن وئيلي دي تعليمي ادارو كښې بايد فكري پراختيا وي۔ څېړنې ته پام كوؤنكي قامونه د پرمختګ په زغل كښې وروستو نه پاتې كېږي۔ د څېړنې كوونكو ادارو او صنعتونو ترمينځه بايد نزدې رابطې وي۔ د پاكستان د ازمېښت وخت ختم شوے او پرمختګ زمونږ مقدر ګرځېدلې۔ اولس مشر ممنون حسېن د دې خيالاتو څرګندونه د لوړو زده كړو كمېسيون ترسېوري لاندې پاكستانو پوهنتونونو لپاره د ريسرچ پروګرام انعامونو وېشلو دستورې ته خطاب كښې وكړه۔ دستورې ته د اېچ اي سي چيئرمېن ډاكټر مختار احمد هم خطاب وكړو۔ اولس مشر ووئيلل دا خبره د خوشحالۍ ده چې پاكستانې محققان د جمود څخه وځي او نوې خيالات قبولوي۔ د دې په نتيجه كښې به زمونږ پوهنتونونو او علمي تحقيقي ادارو كښې نوې او مستحسن روايات لا مضبوط شي او هېواد كښې به د څېړنې كلتور وده ومومي۔ اولس مشر ووئيل د تحقيقي ادارو او صنعتونو ترمينځھ بايد نزدې تړون وي او د دې په نتيجه كښې به محققين د نوي دور رجحاناتو او ضرورياتو څخه په وخت خبرېږي ٬ده ووئېل دې سره به تحقيقي هلې په سم لوري روانې وي او ورسره ورسره به د محقيقينو محنت بې ځايه نه ځي۔ اولس مشر ووئيل د تحقيقي ادارو او صنعتي څانګې ترمينځه د تعلق په نتيجه كښې د هېواد د سباؤن حاجتونو ترسره كېدو له به مرسته ترلاسه شي۔ اولس مشر د څېړنې په اړه د غوره كاركردګۍ څرګندونه كوؤنكو محققينو له مباركي وركولو سره ووئيل د دوئي هڅې به پاكستانۍ ټولنه د علم او حكمت مركز كړي او د دې په نتيجه كښې به نوې كول د تحقيق په لړ كښې د خپلو مشرانو روايت ژوندې وساتې ۔ اولس مشر ووئيل هېواد كښې د علمي هځلو ډېر ګنجائش دے۔ په دې لړ كښې به اېچ اي سي د محققينو هر ډول ممكنه مرسته كوي۔ اولس مشر ووئيل تحقيق يو مقدس فرض دے ۔ د دې تقدس دې په هر صورت په ځائې وساتلې شي۔ ده ووئيل په ابتدائي تعليم كښې د نقل رجحان تباهۍ پلو تلل دي۔ دې څخه بايد ډډه وكړې شي۔ په خپلو بچو نقل كوؤنكي مور پلار دوئي سره دښمني كوي۔ اولس مشر ووئيل د پاكستان د آزمېښت وخت تللې او پرمختګ اوس زمونږ مقدر جوړ شوے۔ ده ووئيل پاكستاني برآمداتو كښې د كمي سوب د څېړنې رجحان كمزوري ده۔ زمونږ زلمې كول په دې لړ كښې د قدر وړ كردار ترسره كولې شي۔ ده ووئيل پخوا د ناوړه سلوك په سوب ادارو ته زيان رسولې شوې چې ورسره د پرمختګ رفتار په قلاره شو او مسئلې پېدا شوې۔ اوس به دا عمل پرخودل وي او د قامي مقاصدو ترلاسه كولو له به به جذبه كار كول وي۔ د اېچ اي سي چيئرمېن ډاكټر مختار احمد په دې مهال اعلان وكړو چې راروانو كلونو كښې به تحقيقي سكالرشپ لپاره مقابلې كولې شي۔ وروستو اولس مشر انعام ترلاسه كوؤنكو له سندونه وركړل۔
تعليمي ادارې بايد فكري پراختيا ولري۔ څېړنې ته پام كوؤنكي قامونه د پرمختګ په زغل كښې وروستو نه پاتې كېږي
مضمون کا ماخذ : کڑک
متعلقہ مضامین
